قصيدة و ردها
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا ليا زادت علي الهمومي= عديت يابندر براس الرقيبه
ادرج الاقدام وقعد وقومي=ورمي بشو ف العين في كل صيبه
وحسب على مثلك بوقت اللزومي=والا قليل المعرفه وش نبي به
لوكان جاني ما عطيته علومي=وان جاب علم اقول له لاتجيبه
ماكل من شفته لبس له هدومي=تحسب عليه وفي القا تعتزي به
تكشف لك الايام طبع الرخومي=واللي على طاريه عشرين خيبه
لو في الخلى قضيت ليلي ويومي=اخيرمن قرب الوجيه الغضيبه
امسي تحت نور القمر والنجومي=وصبح على صوت القماري تجيبه
فوق الغصون اللي مع الريح تومي=في واديا سيله درج مع شعيبه
صحيح ما في الوقت شيئا يدومي=والادمي ماياخذ الا نصيبه
تمرنا الايام مثل الغيومي=ماتدري الا غادي الراس شيبه
نحلم و نصحى بعد طول الحلومي=لي قر ميزان الحياه الصعيبه[/poem]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جاني كتاب اموقعن و مختومي=فيه البيوت النادرات العجيبه
بيوت من عدا في عالي الرجومي=والهم جوف الصدر ناره شبيه
يشكي علي ولا في مشكاه لومي=ماللقريب اليا اشتكا الا قريبه
وانا معك في برد والا سمومي=على النقا من دون شكه و ريبه
ما نحتزم باللي ضعيَف عزومي=و الاش في الاشوار ما نقتدبيه
و اهل الردى عنهم نصد و نشومي=لأن الردي ماهو مضوي كسيبه
نعرف تقاليد العرب والسلومي=ومضيع العادات ماني صحيبه
لكن يانسل الرجال القرومي=اللي لها بين الرياجيل هيبه
خلك على سر الضماير كتومي=ومن الزمن حذراك تشكي الغليبه
لو المنايا فيه مثل السهومي=احداً تخطا عنه واحداً تصيبه
والناس معطا في الزمن و محرومي=واللي كتب في اللوح ماحد دريبه
لكن صله واطلب الله و اصومي=والادمي ماغير ربك حسيبه [/poem]

رد: قصيدة و ردها
 

صح لسانك ولسان بندر
وبيض الله وجيهكم

درر

رد: قصيدة و ردها
 

رد: قصيدة و ردها
 

رد: قصيدة و ردها
 

رد: قصيدة و ردها
 

رد: قصيدة و ردها
 

رد: قصيدة و ردها
 

لله دركما صحتـ الالسن

رد: قصيدة و ردها
 

نعم صحت الألسن على القوه

رد: قصيدة و ردها
 

الاخ ابو رديد صح بدنك ووجهك ابيض شرفتني بمرورك

رد: قصيدة و ردها
 

الاخ سلمان الندوي صح بدنك ومشكور وما عليك زود سلمت يالغالي

رد: قصيدة و ردها
 

رد: قصيدة و ردها
 

صحت الألسن
ونعم فيك وفي بندر

رد: قصيدة و ردها
 

صح لسانك ولسان بندر
وبيض الله وجيهكم
درر

رد: قصيدة و ردها