|
طاروق بعد طول الغياب ابن مغبش
بعد الغياب وبعد طول المده ** سلام من شاعر جزيلا مده
عند الرجال اهل الوفى والهيبه ** الله يــــــعزز ثورت الحريه اصحيبنا من داره رايح طايف ** يبي يصيف في ربوع الطايف الله يعينه وقفته من جيبــه ** الله يـــــــــــــعزز ثورت الحريه |
رد: طاروق بعد طول الغياب ابن مغبش
اقتباس:
حياك الله يابو محمد وابرك الساعات واستلم طال عمرك .. بعد البطا ومقابل النشاده = يامرحبا وتشيله النشاده بالمري الي طيب ربعه طيبه = الله يعزز ثورت الحريه انا على الطاله يرفرف طيري = وان شفت بقعا قلت عنا طيري من دونكم درع الخليج اسريبه = الله يعزز ثورت الحريه |
رد: طاروق بعد طول الغياب ابن مغبش
صح لسانك يا سنجار وبأنتظار المبدع خالد
|
رد: طاروق بعد طول الغياب ابن مغبش
الله يعنك واحتزم بحزامك ** وهذيل ربعك ياولد واحزامك
الوقت غيبا ماعرفنا غيبه ** الله يـــــــــــــعزز ثورت الحريه ابنٌشدك ياللي تعرف القصه **بعض البشر من داره ساير قصه ذيبا قنب والدار سارت ذيبه **الله يـــــــــــــعزز ثورت الحريه |
رد: طاروق بعد طول الغياب ابن مغبش
مرحبا ياسلمان تراحيب المطر ولاهنت والله يكافينا شره
|
رد: طاروق بعد طول الغياب ابن مغبش
اقتباس:
الله الله دام القبايل ماعلي خلافي = الي بجنبي والذي فـي خلافي وسلاحنا كل الدول تدري به = الله يعزز ثورت الحريه السالفه ثعلا فرس واستفرس = من يوم جوه الفرس قام استفرس مايدري انا كاشفين العيبه = الله يعزز ثورت الحريه |
رد: طاروق بعد طول الغياب ابن مغبش
اقتباس:
صح بدنك ياسلمان والله يحييك ياغاالي |
رد: طاروق بعد طول الغياب ابن مغبش
اقتباس:
ههههههههههه هين علومك يابو محمد من يوم جبت الشقر وانت ناوي نيه خخخخخ |
رد: طاروق بعد طول الغياب ابن مغبش
صح لسانك يا سنجار وحياك الله بين اخوانك وفي محلك
صح لسانك يا بو نايف متابع |
رد: طاروق بعد طول الغياب ابن مغبش
انتم كفوا ياهل الوفى والعزه ** والميت اللي مات محدا عزه
والمشكله محدا حضر من طيبه ** الله يعزز ثورت الحريه السالفه ياصاحبي م دروسه ** طالب ولاكن مايعرف ا دروسه الله يصيبه والقدر بيجيبه **الله يعزز ثورت الحريه |
رد: طاروق بعد طول الغياب ابن مغبش
مرحبا تراحيب المطر والله ان هذا مكاني وانتم والله انك مثل ربعي
وبيض الله وجيهكم |
رد: طاروق بعد طول الغياب ابن مغبش
اقتباس:
صح بدنك يابو عبدالله تسلم يالامير |
رد: طاروق بعد طول الغياب ابن مغبش
اقتباس:
الله الله انتم وحنا فالزمان اخواني = لو نسلم النمرود والخواني الي يودي العلم ثم يجيبه = الله يعزز ثورت الحريه السالفه فالخزنه الارضيه = مامثلها فالكوره الارضيه كلا يبى يملا ويحشي جيبه = الله يعزز ثورت الحريه |
رد: طاروق بعد طول الغياب ابن مغبش
حنا معاكم والعدى (منكوبه) ** واسم سمه شاربه من كوبه
راعى الوفي ماجاه شك وريبه ** الله يعزز ثورت الحريه حنا كشفنا ياولد نصر الله ** ضد العرب ونصر من نصر الله واللي داربه ياولد يدريبه ** الله يعززثورت الحريه |
رد: طاروق بعد طول الغياب ابن مغبش
يابن مغبش صح السانك ولاهنت والخاتمه عندك
وتشرفت بلعب معاك اخوك سنجارالمري |
| الساعة الآن 01:03 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل