في حفل قبيلة آل خالد . . .
 

السلام عليكم و رحمة الله و بركاته
قصيدة تشرفت بتقديمها في حفل قبيلة آل خالد بعد أن لبيت دعوة كريمة من أخي و صديقي و حبيب قلبي عبدالعزيز مطير الخالدي ( بن قاسي )


.

.



.
.

سلام للمعرفة ، للشعر و فنونه ............................. للجود للمجد للتاريخ لـ رجاله

سلام ينصى جميع هذيل مضمونه .......................... للاد خالد رجال العز و الطالة

عيال عمي و عز البيت بركونه ............................ المدح يعنا لهم و المدح يعنا له

في مدحهم جت حروف الشعر مجنونه .................. ضوامي استبشرت بالنو و خياله

في ماقف ٍ تقصر الأعذار من دونه ..................... الماقف اللي يشرف كل من جاله

و الكلمة اللي تجي بالفعل مقرونه ................. تكسب رضا الناس و الطيب على فاله

و الخالدي و الله انه ما يسمونه .............................. الا و نعمين في مقفاه و اقباله

تقدر تميز صليب الراس بعيونه ......................... و تثبت بعيد الهقاوي فيه بافعاله

من روس قوم ٍ على الأمجاد ما مونه ................ و مفاخر العرب في التاريخ لأبطاله

سماحة النفس و الاقبال يبدونه ....................... لأهل الوفا و الردي يبقى على حاله

و الهيبة اللي تضد الضد و ضنونه ..................... و ترد كيد المعادي عن هوى باله

و هذيل درع الحجاز الشامخ لكونه ................ مهد الرسالة و مجد الارض لـ أبطاله

العمر غالي لكن العز ما دونه ........................ حداية ااجدادنا في الحرب و اهواله

لاشع نور الصباح و غيرت لونه ........................ غارات قوم ٍ على الصفين جوالة

يصيح في الجمع شغموم ٍ يعدونه ....................... و الجيش زرفل و جا للخيل خياله

لين اصطدم كل ديان ٍ بمديونه .............................. و الموت ما بينهم يالال يا لاله

عادتنا سنة في الحرب مسنونة .......................... ما ناخذ الا سمان الصيد و جزالة

علم ٍ تعرف القبايل كل مضمونه ......................... مير اسمعوا كلمة التاريخ لاجيالة

الحرب دايم بذكر هذيل مقرونة .......................... اشجع رجال ٍ ترد للحرب مختالة

دخيلنا نرخص الأعمار من دونه ....................... و قصيرنا في عزيز الدار و ظلاله

و اليا زبنا قليل العون يا عونه .......................... اي و الله انه يطيب و ينشرح باله

و اليا لزمنا لزوم نقول يا هونه ........................... كل ٍ شمر عن يديه و طوح عقاله

اجواد مداتنا ماهيب ممنونه .......................... راس الكرم يا هذيل و مضرب أمثاله

و الظفر يشري ثنا الأجواد بعيونه ......................... و اللاش ما يدفع السيات برياله


.

.


.

رد: في حفل قبيلة آل خالد . . .
 

رد: في حفل قبيلة آل خالد . . .
 

رد: في حفل قبيلة آل خالد . . .
 

أنعم وأكرم بك وبآل خالد وبهذيل

صح لسانك يابن عباد
أتابع جديدك وأتشرف به دائماً ولعلها من أسعد اللحظات عندي
والقصيدة هذه مسجلة صوتياً عندي الله يطول عمرك ويكثر من أمثالك

تحياتي لك وأعلى تقييم

رد: في حفل قبيلة آل خالد . . .
 

صح لسانك ويستاهلون المدح

رد: في حفل قبيلة آل خالد . . .
 

رد: في حفل قبيلة آل خالد . . .
 

رد: في حفل قبيلة آل خالد . . .
 

رد: في حفل قبيلة آل خالد . . .
 

صح لسانك يا عز الرفيق قصيدة تبيض وجهك وربعنا آل خالد يستاهلون المدح والله يبارك للعرسان ويوفقهم.
تقبل مروري وتقديري ،،،

رد: في حفل قبيلة آل خالد . . .
 

بيض الله وجهك يابو هذال ,,,فوق الهقوه دائما ,,,وفقك الله


صح فكرك تظل مدرسه يستفيد منها الجميع


دمت لمحبيك يابن العم

رد: في حفل قبيلة آل خالد . . .
 

عادتنا سنة في الحرب مسنونة .......................... ما ناخذ الا سمان الصيد و جزالة


جزاله يابن عباد

نعم المادح والممدوح

تحيه طيبه لك ،،،،،