السلام عليكم ورحمة الله وبركاته تكفون ياهذيل الفزعه تكفون ياشيوخ هذيل ولدنا حكموا عليه قصاص تعزير والمشكله للان ماحد تدخل بالقضيه تكفون شوفوا مطالبهم وش يبون تدخلوا فيها ياهذيل ياخندف نبي الحميه


اسمه أكد الناطق الاعلامي بشرطة القصيم العقيد فهد الهبدان أنه تم القبض على سعودي في العقد الرابع من العمر عاطل عن العمل بعد مزاولة التفحيط في احد الطرق بالمحافظة واستمرت محاكمته فترة طويلة حتى أنهت الدائرة القضائية بالمحكمة النطق بالإجماع بضرب عنقه بالسيف حتى الموت تعزيراً لقاء فعله الشنيع وردعاً لغيره ممن يعبث بأمن هذا البلد المعطاء.اسمه الكامل محمد عوض المطيري

وهنا رابط الخبر من الجريده http://www.alriyadh.com/article746967.html



راحت سنة وانا مكبل ومسجون
وكلن يهددني بقلتي من العام

وين الاسود اللي على الموت يردون
اقـرب اسـد يـسـد مـنهـم اليا قـــام

تكفون يا الصعران ما دام توحون
وتكون يا سلالة حميدان لا انضام

يا عيال علي العود تكفون تكفون
وانا ولدكم واحكموني يا الإعـدام

وأنـخا البصيص خـص ولاد سـعدون
ولـيـا نـخـيـت شثيل وشعيل مالام

وان صحت للهذلان ولا بد يافون
وعبدان عقب كل وافي ومقدام

ولاد غنمي حزت الضيق يثنون
عاداتـهم بـا المـعـضـلـه درع وحـزام

يـا ليتكم يا عزوتي بـس تدرون
سنه قضيناهـا تـقـل عشرة اعـوام

بين اربع الجدران تقول مجنون
اقـضـي نـهاري بالتـحسر والأوهام

والـيوم بـيـجـنا خـفـا كـل مـكنون
أذن يظهر لي من مطير ضرغام

حكم علي التعزير وانتم تشوفون
كني من ارباب السوابق والاجرام

حان القصاص وفي ببا يضحون
والوقت حاسبني على فعل صدام

ماني مصدق في قصاصي يحكمون
وش المصلحه من ظلموني بالأحكـام

يا مسلمين ويا اهل الدين وشلون
يحكم على بـحادث عـنـيـزه اعـدام ؟؟؟

الشاعر / محمد عوض المطيري