|
فتى الحجاز تفضل لاهنت !!
السلام عليكم ورحمة الله وبركاته
مساء الخير... واستلم يابو سعد هلا يامرحبا ترحيبة البدوان بالسيل = بعد جانا من الشعار شاعرنا الهواوي اشوف سهيل قفا مير اشوف النجم ابو ذيل= عسى طيب الثنين يصير قسمه بالتساوي |
رد: فتى الحجاز تفضل لاهنت !!
عليكم السلام ورحمة الله وبركاته .. مساك الله بالرضا والنور يابو محمد
يدوم إلك البقا فأخر نهارك وأول الليل # ترحّب والمراجل ماتجي لك بالهقاوي تخيل النو وتهل المزون ويدرج السيل # ويثمر كل عود إيبس من الضلع السناوي |
رد: فتى الحجاز تفضل لاهنت !!
تغيب ولاحظرت المعركه بالسيف والخيل =ثلاث سنين مرت ماسمعنا لك عزاوي نشدنا عنك قالو مايحب الحط والشيل = وله نيه ولاندري عنه ياويش ناوي |
رد: فتى الحجاز تفضل لاهنت !!
الله الله يابو محمد
ليا عرّضت نحرك ماقصر حد المصاقيل # وأنا وشلون أدور لي خصم قفّى جلاوي حليل اللي ماينشد فالعرب غير المهابيل # ويبلش لانشده الشيخ وتقوم الدعاوي |
رد: فتى الحجاز تفضل لاهنت !!
صحيح عيون ولا ماتشوف الا بدربيل = ولاياطيب حظك يالذيابه بالعماوي تشب النار مير النار خالية المعاميل = ولا قدر يفوح ولا تفوح بها القهاوي |
رد: فتى الحجاز تفضل لاهنت !!
صح لساانك اخوي فتى الحجاز واشكرك على اجابة الدعوه الخاتمه عندك ولنا لقاء اخر ان شاء الله
|
رد: فتى الحجاز تفضل لاهنت !!
سليم العين ووسيع البصيرة وأعدل الميل # ودلوك فاضية تطلع من العد الرهاوي
نخالة بن سليّم ماتجي لو ربع زنبيل # حسودي مايغطي عيبه البشت الحساوي يعطيك العافية يابو محمد ونراك على خير في لقاء أخر والمعذرة على القصور . |
رد: فتى الحجاز تفضل لاهنت !!
اقتباس:
هههههههههههههه صح لسااانك يابو سعد شاعر مافيك حيله لكن لاعاد تغيب علينا والبدعه الجايه عندك :) |
رد: فتى الحجاز تفضل لاهنت !!
صحت الألسن
وبيض الله وجيهكم قاف عالي المستوى |
رد: فتى الحجاز تفضل لاهنت !!
خالد الهذلي, فتى الحجاز
قاف رائع صحت الالسن وبيض الله وجيهكم |
رد: فتى الحجاز تفضل لاهنت !!
خالد الهذلي, فتى الحجاز
قاف رائع صحت الالسن وبيض الله وجيهكم |
رد: فتى الحجاز تفضل لاهنت !!
خالد الهذلي
فتى الحجاز صحت الالسن |
| الساعة الآن 11:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل