محاورة زياد السعيدي و عابد السعيدي
 

السلام عليكم ورحمة الله وبركاته
أنقل بين أيديكم هذه المحاورة التي جرت بيني وبين الشاعر / زياد مطلق السعيدي
في حفل معايدة الشيخ / مطلق بن سعد السعيدي ، أتمنى أن تحوز على رضاكم مع
العلم بأنها تحمل طرق جديد على الساحة الشعبية :

يقول / زياد السعيدي
العيد روّح وعابد ما درى كيف راح *** حالته حاله ونا ماني برب السماء
من منطلق خوّتي معكم وحب الصلاح *** باعث رساله ونا ماني برب السماء

عابد السعيدي
العيد بوجودكم صحيح ماهو مزاح *** صاحبك قاله ونا ماني برب السماء
يا جعل حالة خويك ما تزيد الجراح *** مرتاح باله ونا ماني برب السماء

زياد السعيدي
العيد لا شفتكم في نعمة.ن. ورتياح *** كبّ النذاله ونا ماني برب السماء
واقول لك كان شفتك سدّ خافيك باح *** هذي خباله ونا ماني برب السماء

عابد السعيدي
السمح يا صاحبي لازم يحب السماح *** ويطيب فاله ونا ماني برب السماء
ما باح سدّي ولابس فالملاقا وشاح *** وبوك ساله ونا ماني برب السماء

زياد السعيدي
في وجه صاحبك قمت توجهون السلاح *** ماهي رجاله ونا ماني برب السماء
الذيب لامن عدا تراك صيدة مراح *** يعني حلاله ونا ماني برب السماء

عابد السعيدي
إن كان ما يستحي ماهو معيّن فلاح *** لو جاب خاله ونا ماني برب السماء
الذيب يلقا الثميدي لا نزل فالبراح *** الموت ناله ونا ماني برب السماء

زياد السعيدي
قيفك خسارة من اللي في ذراه استراح *** قاصف ضلاله ونا ماني برب السماء
الذيب ياكل علامك ما سمعت الصياح *** عندك غياله ونا ماني برب السماء

عابد السعيدي
ياللي تربّح ورى اللي ما يجيب الرباح *** خلّك قباله ونا ماني برب السماء
صاحبك نوّخ جمال القوم وشعيل طاح *** زوّد عقاله ونا ماني برب السماء

زياد السعيدي
ما ينكب الشعب ويخليه ماله كفاح *** غير العماله ونا ماني برب السماء
عابد ليا جاء بيشرب من زلالٍ قراح *** تقصر حباله ونا ماني برب السماء

عابد السعيدي
الشعب ما ينكبه في ليل والا صباح *** غير الهباله ونا ماني برب السماء
ازياد لا جاء نهار.ن. فيه زرق الرماح *** تِكفى دلاله ونا ماني برب السماء

زياد السعيدي
عقلك مثل ريشة ٍ راحت مراح الرياح *** مالي وماله ونا ماني برب السماء
كلٍ يرى الناس بطبوعه يابو برق لاح *** شفنا خياله ونا ماني برب السماء

عابد السعيدي
عقلي وزن له جبل وانته تجر النياح *** ما عقل طاله ونا ماني برب السماء
من راح عنّا نقول إله المراح المراح *** نلقى بداله ونا ماني برب السماء

زياد السعيدي
رفرف علمنا السعيدي مثل رفّ الجناح *** وزياد شاله ونا ماني برب السماء
ما روح عنكم ونا لجروح ربعي لقاح *** عود وعياله ونا ماني برب السماء

عابد السعيدي
إن كان شلته لك الله تستحق النجاح *** صاحب جلاله ونا ماني برب السماء
الجيّد اللي بناها فوق صح وصحاح *** يوفي كياله ونا ماني برب السماء


وسلامة الجميع

رد: محاورة زياد السعيدي و عابد السعيدي
 

ابداااااع


صحت الألسن.

كل الشكر ياعابد ع النقل الجميل

رد: محاورة زياد السعيدي و عابد السعيدي
 

ببيض الله وجيهكم ووانت الافضل دائما ياعابد كالعاده وتبقى مدرسه للشعراء الواعدين ولحنك
جميل جدا ووبيوتك لا يعلى عليها تقبل مروري وشكرا

رد: محاورة زياد السعيدي و عابد السعيدي
 

بس ياعابد لو سمحت منهو زياد هذا ووين مختفي إذا ماخاب ظني طلع فتره للشعر واختفى فجاه
لكن بصراحه تبقى بيوتك الافضل بدون قصور فالجميع

رد: محاورة زياد السعيدي و عابد السعيدي
 

صح بدنك يابو عادي

أسعدني مرورك

رد: محاورة زياد السعيدي و عابد السعيدي
 

الشكر لك أخي المجروح على هذا الإطراء

وبالنسبه للشاعر زياد توقف عامين بسبب الدراسه نسأل الله له التوفيق

ولكنه موجود في المناسبات الخاصه بأبناء قبيلته

وهو قادم للساحه ؤبقوه نسأل الله له التوفيق

رد: محاورة زياد السعيدي و عابد السعيدي
 

رد: محاورة زياد السعيدي و عابد السعيدي
 

أولا أشكرك ياعابد على التوضيح
ثانيا على حسب وجهة نظري النوايا طيبه مع اني لاعلم مافي صدور الناس لكن يؤسفني
إذا شفنا تعليق مثل تعليق فارس المطرفي على البيوت وهذا إن دل يدل على ذاقته الشعريه
وانا مالي علاقه بزياد ولاعابد لكن احب أوجه بيت زياد لفارس المطرفي
كل.ن.يرى الناس بطبوعه يابو برق لاح..شفنا خياله ونا ماني برب السماء
واظن إنهم سعايد وتبقى معانيهم بينهم مع الشكر والاحترام لفارس لكن الساكت عن الحق
شيطان اخرص...والله يصلح النيات

رد: محاورة زياد السعيدي و عابد السعيدي
 

رد: محاورة زياد السعيدي و عابد السعيدي
 

رد: محاورة زياد السعيدي و عابد السعيدي
 

بيض الله وجيهكم جميع بس يالاخ عابد انته متفوق بمعنى الكلمه من تركيبة المعنى ومصطلحات الكلمات في البيوت بدون قصور فالاخ زياد
ولكم من جزيل الشكر والعرفان وتقبلو تحياتي

رد: محاورة زياد السعيدي و عابد السعيدي
 

صحت الألسن شعارياربعي وللي تاج الفخر

محاوره جميلة وبها جوانب تصويريه رائعه

رد: محاورة زياد السعيدي و عابد السعيدي