|
خالد الهذلي!!
من هجوسن ترضي القوم وتضد الحريب=ياسلام الله وكلن نكمل واجبه
طاح دلو البدو وحبالها وسط القليب=والبدو صفت وكلن يمسس شاربه |
رد: خالد الهذلي!!
من هجوساً فالمواقف تزايد ماتغيب = مرحبا بالصاحب الي يجمل صاحبه
الضما قتال والله على خلقه رقيب= والضواري تحوف ذيك الحلال السايبه |
رد: خالد الهذلي!!
أنت عينك فالجبل والقدم فوق الشعيب=البقا وشعيل شال الحمل في غاربه
ياخناذف ياخناذف بعد مات الطبيب=مالقيتو عشره سنين واحد نايبه |
رد: خالد الهذلي!!
شابت ايام الاوادم قبل وقت المشيب = وانت لو تقدر ترد الحقوق العازبه
شجرت العود القماري بها طيبا يطيب = زايده فالطول واغصانها متقاربه |
رد: خالد الهذلي!!
صح لساانك والعذر من الله ثم منك يابو عتيق عندي اختبار بكره ولازم اسجل خروج لكن نكمل بكره ان شاء الله
|
رد: خالد الهذلي!!
السلام عليكم ورحمة الله وبركاته كل عام وانتم بخير والجميع بخير وصح لسانك يالمعبدي وصح لسانك يابن مغبش وفي انتظار تكملة القاف هدفنا الدائم البحث عن الجزالة وأنتم من الشعراء الجزلين تقبلوا تحياتي |
رد: خالد الهذلي!!
أحمدلله ماغدالي بعيد ولا قريب=كل مايطري في بالك يخالد حاسبه
شجرة العود الخضر غصنها ضلا رطيب=والعشيه شكلها يالهذيلي شاحبه |
رد: خالد الهذلي!!
معذوور وبالطيب مذكور يبو ناايف ولله يوفقك وعليكم السلام يافارس المطرفي وكل عام ونت بخير وصح بدنك
|
رد: خالد الهذلي!!
صح لسان الشاعر مشعل وصح لسان الشاعر خالد ويعطيكم العافيه تحياتي لكم
|
رد: خالد الهذلي!!
اقتباس:
حياك الله يافارس المطرفي وكل عام وانت بصحه وسلامه من طول الغيبات جااب الغنااايم نور المنتدى بحضورك وعودتك والجزاله انت راعيها وتسلم لاهنت |
رد: خالد الهذلي!!
صح بدنك يالنادر وياهلا والله ومسهلا
|
رد: خالد الهذلي!!
انت مالك قلب يوحي ولا عقلا لبيب = وان قضيت الفرض باقي الصلاه الراتبه لو يغيب الشيخ جاكم مغلقة الطليب = يالحروب الي بعد شيخها متضاربه |
رد: خالد الهذلي!!
مشعل المعبدي
خالد الهذلي صحت الالسن |
رد: خالد الهذلي!!
هههههههههههههههه طيب طيب يبو ناااااااااااايف الوعد في يوم شمسه ماتغيب على العموم صح لسانك وبيض الله وجهك أنت ومن مر من أخوانا على المحاوره
|
| الساعة الآن 04:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل