::{ مجالس قبيلة هذيل }:: موقع يهتم بتراث القبيلة ومفاخرها - مرثيه في الشيخ مساعد بن حمود المطرفي

هذه قصيدت رثاء في ا لشيخ /مساعد بن حمود المطرفي شيخ الطلحات من المطارفه
[poem=font="Tahoma,4,black,bold,italic" bkcolor="black" bkimage="backgrounds/17.gif" border="ridge,4,white" type=1 line=0 align=center use=sp num="0,black"]
يامل قلبٍ زاد همه وغطاه = والعين هلت دمعها بالخدود
كأنه على جمرٍ من النار يصلاها = ساهرٍ بليل والخلايق رقود
بعدالفقيد اللي توالاه مولاه = أبو فهد شيخٍ عقيد الفهود
رعي الوفى والطيب من يوم منشاه = يشهد له الله والخلايق شهود
بين الملا كسب الشهامه بدنياه = رعي جميلً فوق طيبه يزود
أبو فهدكل الموجيب تنصاه = و معروف بالحكمه وحل العقود
ومشهور بين العالم اقصاهوادناه = وللناس متواضع ولاهو حسود
وكلاً دعاله بعد موته وعزاه = وكل القبايل جات مثل الوفود
ياالله يالي كل حيٍ ترجاه = ترحم عظام الي سكن باللحود
يارب تجعل جنة الخلد مواه = في جنة الفردوس دار الخلود
والفواز والغفران والعفوورضاه = ربً على عبده بعفوه يجود
وامطر عليه برحمةً منك تغشاه = وعوض هله في حزنهم والوجود
لومات يبقى بن اهاليه ذكراه = ويبقى فهد للبيت ساس وعمود
وعساه يمشي في طريقه وممشاه = واهل الوفاء مايخلفون العهود
من حيث احاطه باشهامه ورياه = ولابد من بعد الذيابه أسود
وابوسعد يبقى عضوده ويمناه = نعم الخلف صقرٍ عريب الجدود
وحماي للقافي على كل ماجهاه = وجنبٍ متين يشد كل العضود
واطلب من الولى يعينه وياقاه = ويبذلهم بالصلح كل الجهود
ما ينبكي من مات والنار محياه = نارٍ تشب بجمرها والوقود
وراه بيتٍ جيد الساس مبناه = مبني على التقوى وثيق السدود
وصلاة ربي مايهل المطر ماه = ومالاح برقاً ودن الرعود
على نبيً نور الكون واضواه = بالدين والسنه واقام الحدود
واستفتح السبع السموات مسراه = وخبر عن المولى بصدق الوعود[/poem]

الشاعر /سعد بن صالح بن ناجي المطرفي الهذلي يرحمه الله 13/5/1412هـ