::{ مجالس قبيلة هذيل }:: موقع يهتم بتراث القبيلة ومفاخرها

- مجلس المنقولات (https://hothle.com/vb/forumdisplay.php?f=65)

- - مني نصيحه يارفيقي ودونك (https://hothle.com/vb/showthread.php?t=54527)

مني نصيحه يارفيقي ودونك

مني نصيحه يارفيقي ودونك
مني وانا اللي بالموده مصافيك

اختر صحيب في الخفاء مايخونك
ماهو من اللي بالخفايا يعاديك

تشوف صدقه في غيابك يصونك
فعلاً تحس انه من القلب يغليك

وقت الشدايد اول اللي يجونك
ماهو من اللي بالشدايد يخليك

عونك على الدنيا وسلوة حزونك
في ضيقة الخاطر بجنبك يواسيك

ذيب الذيــآبه مايخيب ظنونك
وليا نصيته قال يامرحبا فيك

لله دره يرتفع في عيونك
هذا مكانه واحتفظ به بعينك

وغيره تراب القاع لو هم يبونك
كذب المظاهر لا يغرك ويعميك

لو شفت ضحكتهم فلا يخدعونك
ترى المصالح جمعتهم حواليك

وليا انتهى واحدهم انكر معونك
حتى اتصال وكيف الاحوال ناسيك

صحيح بعض الناس يسوى عيونك
والبعض والله مايساوي مواطيك

هذي نصيحه ياخليلي ودونك
معها تحيه من محبً مصافيك

كلمات الشاعر عبدالرزاق الرويلي