::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس الشعر الشعبي (https://hothle.com/vb/forumdisplay.php?f=15)
-   -   دنياك هاذي كلها مثل ؟؟؟؟ (https://hothle.com/vb/showthread.php?t=55223)

فهد الطلحي الهذلي 01-22-2013 03:28 PM

دنياك هاذي كلها مثل ؟؟؟؟
 

دنيـاك هـاذي كلهـا مثل طـاروق -- ما تعرف الصاحب من اللي معاديك


واكثر كلام الناس بالمكـر والبـوق -- يهرج معـك واليـا تِقَفَّيـت يرميـك


المال دايـم صاحبـه مرتفـع فـوق -- والفقر خايب لـو تَرَفَّعْـت يرْخِيـك


عزِّي لمن دَوَّرْ لهـا عنـد مخلـوق -- إما بخـل ولاّ مَنَـن يـوم يعطيـك


اوصيك بالطيِّب ليا كـان لـك ذوق -- إرمـه وراك ولازمٍ إنـه يلاقـيـك


يا العبد هوِّن كل مطـرُود ملحُـوق -- لا تِشْتَحِن لك رَب ما هُـو مخليـك


اللي جعل لك رُوح جاعلك مـرزُوق -- كما تَكفَّل بـك مـن الخلـق كافيـك


يعطي وباب الرِّزق ما هُو بمغلـوق -- واليا طلبته وانـت محتـاج يعطيـك


الرِّزق له حبسه وله وقـت مطلُـوق -- وإن مت عنـد ه ظل قبـرك يناديـك


والموت جايك لو تقع جوف صندُوق -- دع عنك ما بك من حـذر لا يعنيـك


لا تشتغل بالمال و المال ممحُـــوق -- مـا مالـك إلاّ مـا تمـده بيـاديك


إن كان مالك يا فتى ضيـق السـوق -- تراه عند المـوت مـا هـو منجيـك


الجار والعاني لهُم شـرط وحقُـوق -- والضيف واجب تكرمه يـوم يلاقيك


وان كان تبغا تأخذ المـدح مطبُـوق -- خلك مشمـر دُون ضيفـك وعانيـك


صُون الأمانه واظهر الهرج بصدُوق -- ولا تعاشر صاحـب البـوق يعديـك


لا تصحب الخاين ولا تامـن البـوق -- وان لاح براق الحيـا عَـذَّرَت فيـك


والدرب لا تامنه لو كنـت مرفُـوق -- إلا بِحـدٍّ فـي يميـنـك يبـاريـك


أترك طريقة كل عاشِـق ومعشُـوق -- ترمي برُوحك في الشرك ثُم يرميـك


والكلب ما يتبعك لـو تلبسـه طـوق -- ولا خلاخيل الذهـب مـا يراعيـك


بالصبر تغلب صاحب العزم يا شوق -- والعزم طيب مَيْـر حـزات يرميـك


وافرح ليا منك عن الشـر مـدروق -- واحذر صديقك واحذار اللي يُواليـك


هذا كلام الصدق ما هُـو بمسـروق -- وابيـات يـا قلبـي بِناَهَـا يسَلِّيـك


من هاجسٍ يطمي كما بحر صافـوق -- احذر على القلب الشقي يوم يِطْريِـك


يا رَبِّ تجعلني مـن النـار معتـوق -- واجعل ختامي طيبـاً يـوم الاقيـك


مشهور الطلحي 01-22-2013 07:01 PM

رد: دنياك هاذي كلها مثل ؟؟؟؟
 
دنياك هذي كلها شغل يدك؟؟؟ .... ولا يبن مقبول سارق من السوق
لا زم نحد السيف ونبت يدك .... هذي ترى حكمة شريعة هل البوق

تسلم يبن مقبول من الشر والاشرار

كيف حالك

الذوق كله 01-23-2013 01:02 AM

رد: دنياك هاذي كلها مثل ؟؟؟؟
 
يشهد الله ان اكثر اسباب تسجيلي

في هذا المنتدى هذي القصيده

علشان اقول لراعيها

صح لسانك و لاهنت

قصيده في قمة الروعه

الله يعطيك العافيه

شايع الهذلي 01-26-2013 12:20 AM

رد: دنياك هاذي كلها مثل ؟؟؟؟
 
صح لسانك واعتلا شانكـــــــــــــــــــــ ــــــــ

abogehad 01-26-2013 10:28 AM

رد: دنياك هاذي كلها مثل ؟؟؟؟
 
هذي القصيده للشاعر بديوي الوقداني الله يرحمه

تعتبر من قصائده الفريده فله عدة قصائد في كتب الأزهار الناديه من اشعار الباديه للمؤلف سعيد كمال

مشكور يالحبيب على النقل

ولاتبتر يده يامشهور ولاهم يحزنون . يمكن الرجال نسي يكتب منقول

انصاف قلم 01-27-2013 10:29 AM

رد: دنياك هاذي كلها مثل ؟؟؟؟
 
اللهم اميين وصح لسانك ملاييين
لقد كتبت وابدعت
كم كانت كلماتك رائعه في معانيها
نترقب المزيد من جديدك الرائع
دمت ودام لنا روعه مواضيعك
لكي مني اجمل باقات
الشكر والاحترام والتقدير

[BIMG]http://up.top4top.net/uploads/2011/12/12/top4top_eb566abc711.gif[/BIMG]


الساعة الآن 10:07 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل