::{ مجالس قبيلة هذيل }:: موقع يهتم بتراث القبيلة ومفاخرها

بسم الله الرحمن الرحيم

اخواني اعضاء وزوار منتدى هذيل اقدم لكم هذه المحاوره التي جمعتني بالشاعر مبارك العتيبي وكان المطلوب شاعر اسمه محمد المري ولم يحضر وحضر بالنيابه عنه الشاعر مبارك العتيبي

اتمنى ان تحوز على رضاكم واستحانكم ...

خالد الهذلي

زانت الطرقه وانا غنيت مع صوت الربابه //// والربابه لو تلج الصوت من سبة طربها
يامحمد والمعاني بعضها قامت تشابه //// سرها مابين قاريها وبين الي كتبها

مبارك العتيبي

مرحبا ترحيب من قلبً صدوق وبا النيابه = با النيابه عن صديقً لو خسرها ما حسبها
سوقها سوق الاسود وسرها مسرى الذيابه = المعالي ماتجي با الهينه للي طلبها

خالد الهذلي

البقا والليل ماياوي لرجالا سرابه /// وانت حاطب ليل روح فدوة الي ماحطبها
جبتلي علما ولادري وش خطاه وش صوابه /// وكل هرجه ياعميل الخير معروفا نسبها

مبارك العتيبي

الخساره والمكاسب من على وقت الصحابه/// والبلاوي للعرب ماجاتها إلا من عربها
من عرف درب السنع ماضاع عنه ولا غدابه /// والعلوم معلمه شعبانها يسبق رجبها

خالد الهذلي

لاتضيق وصدرك اليا ضاق لقيه الرحابه /// ماتموت الشارده ياكود من ضعفة عصبها
دام دليت الطريق فلا ندور للطلابه /// مير بكره في نهار العيد لاتبعث سببها

مبارك العتيبي

والله أن اللي يشوف العيش ف الدنيا نهابه///مايقدم طيبه عند الرجال ولا كسبها
والعرب قالو هماج العد ما ينفع شرابه ///والنفوس اللي تزل بهرجها محدن غصبها

خالد الهذلي

صاحبي شمر يدينه ثم دور في زهابه //// وجابلي لي بعض العلوم الي تجمل من جلبها
الجزايل كنها برقا لمع عرض السحابه //// والقروم من الرجال الي تحزم في طلبها

مبارك العتيبي

من يغيب عن القسوم يغيب ويسده غيابه ///والرجال ألها عتب تبديه وتبين عتبه
من يجيب العلم ويوديه ما نلبس ثيابه///والهزيله عند أهلها ما نشجع منتخبها

خالد الهذلي

من حضر وقت الزوم يسد عن حضرة شبابه //// يوم خندف حاضرن من سدها حزة طلبها
والقبايل كلها ضرس ضرس من تحت نابه /// لاتطرون العشور الي بلاها من ركبها

مبارك العتيبي

صحت الابدان والمندوب من حضرة جنابه///والذلول مدربه وبليس قدامه شعبها
لو نحسب اللي تعلم للقرايه والكتابه///شفت فا الدنيا أنقلاب ولاتشوف اللي قلبها

وســـــــــــــــــــــــ ـــــــــــلامتــــــــــ ـــــــــــــكم