ذي تجارب دنيتي سقتها لك بالقصيد
 

[poem=font=",5,black,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/113.gif" border="inset,3," type=0 line=1 align=center use=ex num="0,black""] يا حمد ما دامك أجبرتني أجلس وحيد=بين جدران السجن والهبوب وبردها
ودي أراجع حسابات نفسي من جديد=وأعرف اللي هو لها واعرف اللي ضدها
لأجل أعيش اللي بقالي بهالدنيا سعيد=وارتقي يَمَّ الثريا وأباري حدها
يا حمد هذا الزمن واقف بوجهي عنيد =دنيتي ما ينعرف مزحها من جدها
اكتشفت إني بها مثل ما قالوا وحيد=الهموم اجتاحت القلب محدٍ صدها
واكتشفت إنْ طيبتي دون شدة ما تفيد=دام فيه قلوب مثل الجمال بحقدها
واكتشفت إنّ الوفا بالزمن هذا فقيد=كل ما أوفي صاحبي بالخيانة ردها
واكتشفت إنّ الوجع من ورى أحبابي يزيد=كل طعنة ياحبيب أو قريب يمدها
واكتشفت إنّ العفو ما يفيد بدون قيد=نعفي وبعض الخلايق تناقض عهدها
واكتشفت إنّ الهوى لعبة أحرار وعبيد=أبني صروح المحبة وخلّي هدها
اكتشفت ياما ياما وياما يالعضيد=الحقايق شيبت طفلةٍ في مهدها
بس تدري ياحمد هاك مني ما يفيد=النصيحة قلتها وأنت كيفك بعدها
لا تجامل البشر واضرب بيدٍّ حديد=كان تبغى راحتك فالصراحة بدها
رافق أهل الطيب والجود والراي السديد=حط يدّك يالبيب العقل في يدها
ولا تخاوي كاذب وحاسد وملعون سيد=رفقة أهل اللاش ياخوي لا بو جدها
ومن سعى لفراق عينك ترى فرقاه عيد=والضلوع العوج حذرى تبيّح سدها
ذي تجارب دنيتي سقتها لك بالقصيد=فضفضة شاعر بدنيا تزايد جهدها
[/poem]

رد: ذي تجارب دنيتي سقتها لك بالقصيد
 

رد: ذي تجارب دنيتي سقتها لك بالقصيد
 

صح لسانك واعتلا شانك

قصيده جزله وجميله

تحياتي

رد: ذي تجارب دنيتي سقتها لك بالقصيد
 

صح لسانك ولاهنت
رائع ماطرحت لنا
استمررر
تحياتي لك

رد: ذي تجارب دنيتي سقتها لك بالقصيد
 

حياك الله يالحربي وصح لسانك ولو ان هناك ملاحظات في القصيدة ان لم تضايقك ومن من اهمها
البيت الاول فيه سلمك الله ان الهبوب لايجوز ذكرها مع الجدران لانها تعتبر ذرا خصوصاً انك بينها
تكرار كلمات في قاف الصدر وحيد وكذلك تكرار يفيد
بعض الابيات مذبذبة الوزن لو تعيد صياغتها افضل
ونشكرك لحضورك واشيد بالفكرة العامة للنص وبوحدة القصيدة ويدل على شاعر جزل قادم بقوة
قواك الله

رد: ذي تجارب دنيتي سقتها لك بالقصيد
 

رد: ذي تجارب دنيتي سقتها لك بالقصيد
 

الغالي / نادر النادر

صح بدنك ولا هنت


شاكر لك مرورك العطر


تحياتي

رد: ذي تجارب دنيتي سقتها لك بالقصيد
 

الغالي / أمير الليل

صح بدنك ولا هنت

الأجمل هو مرورك الذي اسعدني كثيرا

تحياتي

رد: ذي تجارب دنيتي سقتها لك بالقصيد
 

انصاف قلم

صح بدنك ولا هان غاليك ..

الاروع هو مرورك الذي عطر متصفحي


لك كل الشكر والتقدير

رد: ذي تجارب دنيتي سقتها لك بالقصيد
 

الغالي / راك

الله يبقيك وصح بدنك ..

ولم يضايقني نقدك بالعكس بل اسعدني كثيرا فجميعنا محتاج إليه لكي يطور من نفسه ...

اتفق معك تماما فيما ذكرت من التكرار والصياغه احيانا والهبوب وعدم مناسبتها للسجن ،، اما الوزن لا يبدو لي ذلك ..

ملاحظاتك تدل على قراءتك للنص بدقه وهذا بحد ذاته شرف لي ..


لك من الاعماق كل الشكر والتقدير .. اسعدني مرورك العطر

رد: ذي تجارب دنيتي سقتها لك بالقصيد
 

الغالي / سلطان السويهري

صح بدنك ولا هنت ..

ملاحظه ذات قيمه يسعدك ربي ..

شاكر لك مرورك العطر وتوجيهاتك


لك أطيب التحايا وجل تقديري