::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس المنقولات (https://hothle.com/vb/forumdisplay.php?f=65)
-   -   قصيده( ياسر التويجري) في برنامج شاعر المليون (https://hothle.com/vb/showthread.php?t=5617)

صعب المراس 05-04-2007 02:32 PM

قصيده( ياسر التويجري) في برنامج شاعر المليون
 
[poem=font="Simplified Arabic,5,black,bold,normal" bkcolor="transparent" bkimage="../backgrounds/19.gif" border="groove,4,gray" type=1 line=0 align=center use=ex num="0,black"]
ولدت ساطي ومتغطرس وأحب الخصـام=ولا أعترف في إدارة طبـع والا مديـر
أوجدت نفسي مـن اللاشـي والانعـدام=نبذت فالمجتمع لانـي صريـح وفقيـر
ماكان تفكيري الا كيف أخطف السنـام=والحمد لله خطفت اليـوم كـل البعيـر
إن لم يكن مركزي بالصف الاول أمـام=ماعاد تفرق معي لو كنت قبـل الاخيـر
الله أكـبـر ولله البـقـاء والــداوم=وهو الاله الاحد وهو السميـع البصيـر
أخذت من مدرسة أحمد عليـه السـلام=مالاخذيته من مخـاوى وزيـر واميـر
وأخذت من تجربة عبدالعزيـز الامـام=وش يصنع العلم لاخاواه سيف شطيـر
واخذت من فلسفة هتلرعـدم اللالتـزام=وكسبت نفسي وريحت القلق والضميـر
وابشرك حالتـي دايـم علـى مايـرام=من ركعتين الفجر اليـن بعـد الاخيـر
صحيح عندي تحفظ على بعض الانـام=مثل معمر وابو مـازن وتونـي بليـر
لكـن انـا مااحـب اقلـل الاحـتـرام=واذهب ضحية طموح الغرب وانا صغير
قومية المسلمين اللـي عليهـا الكـلام=راحت معا خالد وعمرو وعلي والزبيـر
الله ولا ذل والتخـويـن والانـهــزام=ياعابدين العروش الوضع جـدا خطيـر
يابو خلف كيف حالك عل حالـك تمـام=انسى القصيدة وهات علوم اخوي الكبير
شيخ عرفته وتقريبا لي اربـع اعـوام=يومنـي اجيـه لا جايـر ولا مستجيـر
يشوقني له نشوق الوسم عقب الحيـام=في صفرة جوهـا ماهـو بفيـة هديـر
الشيخ ابو خالد محمـد عـداه المـلام=اللـي يصيـر مـن الاصرارمالايصيـر
حـد الثمالـه اعـزه لاعلـي الحـرام=انـي احبـه وحـبٍ لودرابـه يطـيـر
يطير مثل الوحش لاضف ريشه وحـام=وحول على الذايره بالجو مثـل المغيـر
ان الملوك اذا اعطـوك حـب وغـرام=خلوك من سائر الخـدام يعنـي خفيـر
الا انـت ياراعـي التقديـر والاهتمـام=ياللي رحمت الصغير وشلت هم الكسيـر
اذا البـلاط الاميـر والكنـب والرخـام=له شاعر يدهله في صبح والا عصيـر
فانادهـلـت الثرياوالقـمـر والغـمـام=وحولت اداهم طرف مشلحك مالي خشير
كفـرت بالناقصـه والغـدر والانتقـام=وامنت باانك حزامي بالنهـار العسيـر
من لايقدر ثباتك مـع عكـاك الزحـام=ماهوب والله مقدر ويش معاني جريـر
يارا س عيطا يمسك البدء قبل الختـام=يالنادر اللي على صيد المكـارم شهيـر
يالمهدي المنتضر بالحاجتيـن الجسـام=المدة المسكته والاخـذ بيـد الضريـر
ياسيدي ودي افهق لك ضلـوع العظـام=واعطيك شي بصدري وانت رجل خبير
اناتراني اعانـي نـوب مـن انفصـام=يوثرعلى البرمجة في راسي المستديـر
واصير احس اني البارود والا الحسـام=في ساحة الشعر من تبوك لاقصى عسير
ممايسبـب لبعـض اعدائـي الاحتـدام=اللي يحسبون قرض الشعر مثل الشعير
والشعر وان كانه المقصود بأول مقـام=فالله يرحم ابو الطيـب ويرحـم زهيـر
روح التنافس وحب الشيخ والانضمـام=ماهي بتعني لدى الكثرة نهايـة مصيـر
والشاعر اللي معه عزوة خوال وعمـام=تفداه وايـل وترقـب مستعـدة مطيـر
والله فلا ينقهـروالا يضيـق ويضـام=لاجاء اللززوالملاقى والقبـس والنذيـر
وجمع الدراهم ماهي باكبر طموح الغلام=اللي جمع من قلوب الناس شـي كثيـر
من حبني رغم تفويتـي لـه الانخـدام=واللي كرهني فهذا شخص ملعون صيـر
دام المعـارك صغيـره ماعلينـا لـزام=ينوب عن سيفـي البتـار اصغرجفيـر
قرات فيماقراتـه مـن بلـوغ المـرام=اللي ترك شـي لله عاضـه الله بخيـر [/poem]

محبوب 05-23-2007 01:03 PM

رد: قصيده( ياسر التويجري) في برنامج شاعر المليون
 
مشكور اخي صعب المراس


:w6w_w6w_20050425135

نجــ هذلي ــد 05-23-2007 03:57 PM

رد: قصيده( ياسر التويجري) في برنامج شاعر المليون
 
مشكور أخي صعب المراس على النقل


عن نفسي شخصياً فأنا لم أقتنع بشعر أو بشخصية التويجري

عبد الله 05-24-2007 12:47 AM

رد: قصيده( ياسر التويجري) في برنامج شاعر المليون
 
اقتباس:

المشاركة الأصلية كتبت بواسطة نجــ هذلي ــد (المشاركة 38949)
مشكور أخي صعب المراس على النقل


عن نفسي شخصياً فأنا لم أقتنع بشعر أو بشخصية التويجري


أنا معك يا هذلي نجد

فالقصيدة السابقة بها الكثير من الاخطاء

وتفتقد للوحدة الموضوعية

بكيفي اتحادي 08-31-2007 06:36 PM

رد: قصيده( ياسر التويجري) في برنامج شاعر المليون
 
مشكور اخوي

عايش القارحي 08-31-2007 09:20 PM

رد: قصيده( ياسر التويجري) في برنامج شاعر المليون
 
بيض الله وجهك وياسر غني عن التعريف وهذي من افضل القصايد


الساعة الآن 08:56 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل