::{ مجالس قبيلة هذيل }:: موقع يهتم بتراث القبيلة ومفاخرها - محاوره عوض الله ابو مشعاب مع القبر ...

محاوره بين الشاعر عوض الله ابومشعاب والقبر

يقول عوض الله/
ياقبر قلي عن زمــــان الاقامـــــه
كم عام يقدر ينتقل منـك راعـــــيك
ودي توضح لي شروط السلامـــه
من ضمتك من ظلمتـــك من بلاويك

رد عليه القبر /
ياعوض الله من ينشد يثمـــن كلامـــــه
راجع خطياتك وراجع حسانيـــك
تبقى بجوفي لين يــوم القيـــــامه
محدن يجي عندك ولا يتصل فيك

رد عليه عوض الله/
وان كانت الاعمال خامه وخامـــه
منها ذهب صافي ومنها سراميك
ممكن تفيد المعـــــذره والنـــــدامه
بعد نزولي بالكفن في ضواحيــك

رد عليه القبر /
فوقك ليا جات النصايب علامـــه
ثنتين توضع عند راسك ورجليك
ماعاد ينفعـك العتــب والملامـــــه
من حين روحك ترتفع عند باريك

رد عليه عوض الله /
ياقبر ما دورت منــك الكرامـــه
ارجو عفو ربي ولاني براجيك
اللي بديه الامر ماسك زمامــه
رب الملوك ورب كـل المماليـــــك

رد عليه القبر/
ياعوض الله في هذا التحدي غشامــه
بلا عمل ماهو مناسب تحديـــــك
اوصيك عهد الله صون التـــزامه
مني ومن بعدي من النار ينجيك

رد عليه عوض الله/
ياقبر زودت المخـــاوف جسامـــــه
زدني نصايح نافعه قبل ما جيـــك
اخاف اجي لك فوق ظهري غرامه
وتسديدها ما يقبل الدفع بالشــيك

رد عليه القبر /
اقرأ كتاب الله وافهــــم نظامـــــه
وتلقى الذي يعني لغيرك ويعنيـــك
واختار ما يعنيك وامسك خطامـــه
ما دمت حي خطام الاعمال بيديك