::{ مجالس قبيلة هذيل }:: موقع يهتم بتراث القبيلة ومفاخرها - رديه بين الملك فيصل والشاعر عبدالله بن لويحان رحمهم الله

رديه بين الملك فيصل والشاعر عبدالله بن لويحان رحمهم الله

--------------------------------------------------------------------------------

بسم الله الرحمن الرحيم

بداها بن لويحان يقول :

الليله الليله الليله نبا الطاروق طرق غريب %% مثل الدراهم اللي قاموا صيارفها يعدونها

والله مأدري يطيب لسيدي والا ترى مايطيب %% إن كان ماناسبت لك ياسنايدي جزت من دونها

الملك فيصل

الليله الليله الليله شواريب تحد الشريب %% والأجنبيه الي وردت على الما يحدونها

ياذيب ياللي جر صوته فبى علو الشذيب %% ذكرت عيني وهلت وأهملت من عقب مظنونها

بن لويحان
عندي خبر بك جروحٍ مايسربها علاج الطبيب %% مير انحروا روضة التنهات سكانها يداونها

من قال أبا اصبر وأبا أكنا الجرح لين انه يجيبه العزيب %% يصير بين الرجا والياس باعوها ويشرونها

الملك فيصل

مانيب زمل عليها من بعيد ولاقريب طنيب %% ياعسرها وانت تحسبها ولو صديت ياهونها

تراي لو صرت عنه بعيد مرجاعي عليهم قريب %% والديره اللي نحليها عدانا مايحلونها

وفي رديه ثانيه بداها الملك فيصل يقوول:

خابرك تذكر بساتين ثمرها الورد والهيل %% هو حاضر نفعها والا متى حتته يصيري

بالحيل بالحيل يالويحان انا مشتاق بالحيل %% ليتك تشاور لنا الوقيف كوده يستخيري

بن لويحان:

من حال هاك البسا تين النظيفه عليها السيل %% يقودني صول حلو اثمارها خيط الحريري

وقفيها ياوسيع المعرفه مايفهم القيل %% تثور بندق قليل الفود في وسط الجفيري

الملك فيصل :

انا احسب انك على اللزمات بالقالات حلحيل %% تسعى لنا في طريق البيع والناقد بصيري

حنا الى من شرينا يحضرونك حزت الكيل %% وتشوف بالعين يامشكاي ماقلبك غريري

بن لويحان :

والله مافي يدي قوة ولاحيله ولاحيل %% حيث ان حبي الى شافوك يمضونه شعيري

من طرد لاصيد يذبح بالجفار وبالمغازيل %% واللي يجر السرايا للعدى لازم يغيري

الملك فيصل :

الى غزينا عليهم فانت قيدوم الدواليل %% صيور مانلطم الخصمين بالحد الشطيري

ويش انت خابر يوم انك جبت لي بعض المناديل %% تقول هذا مليته من زهر بستان غيري
بن لويحان :

والله فلا ابغى فزوع ولا جرود ولا محاويل %% الناس في حكم رجال على العالم خطيري

ماظن به كهربا تجذب كما يجذب التيل %% والا فلا صار شي اولا بعد قر القريري

الملك فيصل :

لياس تيس ولو صارت عواكيس وغرابيل %% صيور مايحمد المصباح سراي يسيري

الناس وقت الصرام كرام في كل المحاصيل %% واليوم نبغى كرمكم يوم جا وقت العصيري
بن لويحان :

تراي اميز المخراج قدام المداخيل %% بحال ابا اخشرك وبحال ترى منت خشيري

خادم وحامل سلاحي مالنا بالعدل والميل %% ولا يخاشر سلاطين الملوك الا الوزيري

منقول