::{ مجالس قبيلة هذيل }:: موقع يهتم بتراث القبيلة ومفاخرها

محاورة شعرية :
بين يوم الخميس و يوم السبت

يوم الخميس /

اشكي على الجمعه من معاند السبت
ما اخطيت في حقه و جا في مكاني

يا سبت في حقي تعديت و اذنبت
يا سبت وين الله بفعلك بلاني

يوم السبت /

انا من اسبابك تراني تعذبت
سنين ما ريّحت فيها ثواني

تشكي على الجمعه معي ما تأدبت
ما تدري انه واحدٍ من خواني

يوم الخميس/

الناس تفرح بي وفيني تسببت
ما عاد لي قيمه بتالي الزماني

تباشروا بي كل ما اقبلت و اعربت
شكري لهم مع دعوتي و امتناني

يوم السبت /

هذي هي الدنيا و انا ما تعجبت
الا من اسلوبك معي يا الاناني

لا تامن الدنيا و لو كان عصبت
اليوم جا دوري و ربي عطاني

يوم الخميس/

يا سبت تبقى سبت لو جبت ما جبت
و انا الخميس و خل عنك التواني
غلاي في قلوب العرب نابتٍ نبت
لو داوموا بي حبهم ما خفاني

يوم السبت /

ان كان تبغى العلم يا صاحبي ثبت
راحت عليك و لا عليها ضماني

انا اشهد انك ذيك الايام قد طبت
و كسبت حب الناس والعمر فاني

يوم الخميس /

ايه الله اقوى بس انا يوم حسّبت
ما كنت احسب ان لي مع الوقت ثاني
دار الزمان و طاح حيلي و شيبت
و الدايم الله و الله المستعاني