::{ مجالس قبيلة هذيل }:: موقع يهتم بتراث القبيلة ومفاخرها - حدايه القثمه من عتيبه ورد الصلمان من هذيل ...

- مجلس الألوان الشعبـيــــــة (https://hothle.com/vb/forumdisplay.php?f=30)

حدايه القثمه من عتيبه ورد الصلمان من هذيل ...

هذي حدايه القثمه من عتيبه عند الصلمان من هذيل :

سلام تسليم المحبه والموده
سلمٍ على سيسان ماشيٍ يهده
بأيماننا لأهل الوفاء دايم نمده
عوايد الجدان من عهدٍ قديم

سلام ياقيفن يضد اللي يضده
بأيمانهم يوم المثارا والاشده
اليا نصاهم طامع الحله ترده
ارماحهم ماتطعن الا فالصميم

وحنا عتيبه خصمنا ملعون جده
يعرف مواقفنا الزمان بكل شده
نلطم خدود الخصم لو ماهو بوده
امجادنا من شرق مكه للقصيم

رد الصلمان من هذيل :

من الشاعر الكبير سلمان السعيدي

يامرحبا ياضيفنا ماعنك صده
ترحيبتن بين النشاما مجرهده
واللي يمد الناس يأخذ مثل مده
يوم الكرامة مالها غير الكريم

الله يحييكم وكلٍ دون حده
واليا انعمر جدر المعزه مانهده
وانتم قبيله فالمواقف مستعده
ميقافكم وافي ومذهبكم سليم

حنا كما سيفٍ يقص العظم حده
واللي يحاربنا وطانا فــوق خده
نعطيه فالايام لين يبيح سده
في ساعهٍ تجمع غريمٍ مع غريم

رد: حدايه القثمه من عتيبه ورد السعايد من هذيل ...

الله الله .. بدع قوي .. ورد أقوى

شكرا لك يابن عادي ،،،،،