اوﻻد مطرف -حمات الدار
 

الاشقر اللي يطرونه
روح من احرار عند احرار
كل الزباين يريدونه
لكن لوح لهم عمار
قال اقصروالشوف من دونه
سلعه لها عندنا مسعار
ملك الذي يستحقونه
اولاد مطرف حماة الدار
من حر الاموال يشرونه
ماسلموا فيه صك اعسار
يوم انهم جو يسمونه
ماغير درع الحجاز اختار
لون الشفق فيه من لونه
واليا ابتعد عنك شعلة نار
سياسه ان جوا يحذونه
ينظر لهم نظرة استحقار
بوادر الفوز بعيونه
من قبل لايدخل المضمار
اليا تبختر على هونه
قاموا يحيونه الحضار
واليا مشى كل طبلونه
كنه توارا عن الانظار
الشاعر / شاهر الكعبي الهذلي

رد: اوﻻد مطرف -حمات الدار
 

صح لسان الشاعر الكبير شاهر الكعبي وبيض الله وجهه
قصيدة جزلة ومناسبة مهمة لدرع الحجاز


ألف شكر لك ياصالح وأعلى تقييم لك وللقصيدة

رد: اوﻻد مطرف -حمات الدار
 

صح بدنك يالغالي

تقييمك شرف لي اعتز به

تقديري لك

رد: اوﻻد مطرف -حمات الدار
 

ونعم بالاد مطرف و صح لسان الشاعر شاهر الكعبي

وسلمت يابوخلود على النقل