|
سلاماً نعده من شمال الجزيره
السلام عليكم ورحمة الله وبركاته
مساكم الله بالخير استلم يابوعبدالله سلامي عليكم يالرجال المناعير سلاماً نعده من شمال الجزيره انا اشوف رايد قام قدم الطوابير يسوي الصفوف ويعترض للمغيره |
رد: سلاماً نعده من شمال الجزيره
وعليك السلام ورحمة الله
مساك الله بالخير يابو نايف وصح لسانك |
رد: سلاماً نعده من شمال الجزيره
هلا مرحبا ترحيب شيمة وتقدير
نكمل وجوبه ماننقص شعيرة انا شوف خالد ياعرب عاكس السير يلاحي مع العربان في كل ديرة |
رد: سلاماً نعده من شمال الجزيره
صح بدنك
الله الله يدوم البقا والعذر سد المعاذير وماجودكم موفور ياهل السعيره ويارايد انته مانته بسالم الزير وسيفاً تحده رجعه في جفيره |
رد: سلاماً نعده من شمال الجزيره
ولا يا زمنا شفت فيك التناكير
غدا بالحقايق صاحبي مع خشيرة اليا جيت تفرع لا تعد المخاسير عسى عظمك المشعور يلقى جبيرة |
رد: سلاماً نعده من شمال الجزيره
ترا الحرص مايكفي لرد المقادير
ولارد عنكم حر شمس الظهيره مقاطيع حق ولو نسوق التباشير نجيب المغني معه دقاق زيره |
رد: سلاماً نعده من شمال الجزيره
طيب طيب يابو نايف
ولا ياعميلي رد هرشك على البير ترا الضلع ناحورة ولا لك بصيرة ليا دقوا المزمار جاتك البواكير واذكرك علم الاوله والاخيرة |
رد: سلاماً نعده من شمال الجزيره
ضميتم وحنا مع جملنا مصادير
ولاعاد نحسب للدورب العسيره لياطاح راس شعيل جتك السواطير عسى تمتلي منه البطون الفقيره |
رد: سلاماً نعده من شمال الجزيره
جبلنا جبلنا ما تحرك اعاصير
ولا يزعجك شاوي يلج بصفيره تقوله بعد ماطحت وسط المحاذير وشلت الحمول اللي عليكم مجيره |
رد: سلاماً نعده من شمال الجزيره
تثور البنادق ثم تقفي العصافير
لو ان الرمي من فوق راس الشعيره كسبتم جنيه وراح عشرة دنانير معوض بخير وجعل فالامر خيره |
رد: سلاماً نعده من شمال الجزيره
هههههههههههه
صح لسانك يارايد وبيض الله وجهك اختم القاف شاعر جزل ومافيك حيله افحمتني ولاخليت لي درب هههههه |
رد: سلاماً نعده من شمال الجزيره
خبرنا الحباري صيدتن للصقاقير
وبندق تشيلوها بليا ذخيرة تووووسد همومك ثم تصبح على خير شقاووووي وعينك يعميلي سهيرة صح بدنك يابو نايف وتشرفت باللعب مع شاعر بحجمك نستفيد منه وتصبح على خير |
رد: سلاماً نعده من شمال الجزيره
ههههههههههههههههه
طيب طيب يارايد بيض الله وجهك تشرفت باللعب معك وإن شاء الله نلتقي في محاورات قادمه |
رد: سلاماً نعده من شمال الجزيره
قواكم الله يا شباب الموقع أسمتعت بالمحاورة وأن شاء الله اسوى معكم محاورة بس ماني شاعر أتعلم وأجيكم
|
رد: سلاماً نعده من شمال الجزيره
ياسلام ياسلام صح لسانك اخوي الكريم خالد الهذلي على هذا البدع الذي يسجل ضمن ابداعاتك صح لسانك اخوي الكريم رايد الياسي محاورة من العيار الثقيل |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل