::{ مجالس قبيلة هذيل }:: موقع يهتم بتراث القبيلة ومفاخرها - ابيات مختاره للشاعر عبدالله المسعودي الهذلي يرحمه الله

ابيات مختاره من افضل ابيات الحكمه لشاعر الاسطوره ملك المحاوره
عبدالله المسعودي الهذلي يرحمه الله :

لو يموت ابليس ماصرت انا وانته ليام
والوعد قدام في يوم شمسه ما تغيب

@

قليل الاواني يكبس البن في البراد
ومن زاغ عقله يلحس الموس بلسانه

@

ياسواط انا ماجيت ادور من بخيل
اكبر من الشعار والله اكبرا

@

قلوب الخايفين تروح مثل البن في المحماس !
ولابو زيد الهلالي عين ماترمش من الذله

يامنجم من ذهب مغبون لويصبح ذهبك نحاس !
كما راعي الجفير الي خلا بطنه من السله

@

ماني مصلح موتر السواق
اللي خرب فيه البليتينا

@

لابد احقق وادقق ماحدث ماعاد ماعاد
واقول وش فيك ليش ترف يارمش الحرامي

@

اباعر جهينة غادية في ديار حروب
بلاها الزمان وراحت اشكال والاواني

@

الصحيحة كل ماجاها الخطر تسعى جهدها
والضعيفة هينة لو تاكل التمر الربيبي

@

اضرب البنج بالشيش واحذر جلا
واهدم البير ويقل ورادها

@

انا لي صديق ٍ مااشرب الما غير انا وياه
ولاعمره عطاني هرجة ٍ واصبحت ناسيها

@

الا ياذيب ياسرحان وش تلقى براس الشاه
لكن انك تلزّم راسها حشمة اذانيها

@

لو ان الانسان يقدر يجمع الدنيا مع الدين
يمديه لاراح للجنة معه ياخذ بعيره

ياراعي القنبلة ماجالها نار ودخاخين
اظنها قنبلتكم جرم مافيها ذخيرة

@

لا والله الا دوب جــــــــــات ســـــنــــــود
مــابـــه حـــرامـــي يــنــهــب ريـــالـــي
يـاكـبــر غــيــظ اهــــل الـقـلــوب الــســود
تــــبــــا تـســمــمــلــي بـفــنــجــالــي

@

ســكـــرت هـبــوبــك يـاهــبــوب الـــنـــود
بــغـــت ركــــــون الــبــيــت تـنـهــالــي
يـاشـعـيـل يـالـلــي جــيــت قــبــل نــقـــود
لافــيـــك كـــبـــد ولالــــــك طــحــالــي

@

أنا ماهمني في الوقت لامطلق ولا مستور
مركبها على قمة جبل وتهز رجليها

@

قلوب أصحابي أحسن من قلوب أصحاب عدواني
ولكن الدهر خلا الكريم يبيع ملبوسه

@

ليت للسلعه مقدر مايقلل من جهدها
لو يقولون اربعه هذلان واثنى عِشر عتيبي

@

من اول يا ذهبنا كنت في صندوقنا مصرور
وذلحينه تشالتك الحرامية باياديها

@

امشو ليا صارت الطرقه عليكم لزوم
نحر المطـيـه ولا قـطـعـة عراقيـبـهـا

@
انته توصيني نسيت اني هذيلي من هذيل
الناس عارفها واخاطبها بقدر عقولها

@

انا في خير ماني للخوي اللاش محدود
تعب رجلي ولا اعلق على الجربا جرابي

@
اللي يمر المراغه ماسلم ثوبه من الطيب
ولحدن محصل من التمباك مسك وزعرفاني

@
ماتو الشعار ولا بقي فيهم حياه
ماعلى تموت صفه وتحيا الثانيه

@

يبا يتعب الطرقي ويلصق عليه الثوب
وهو ما لقي في ديرت القطع نزالي

@

انا سوات الصيرفي هات الهلل وخذ الريال
تحمدالله يوم تاخذ لك ريالا في هلل

انا اعرف ان الزين طيب والرخيص ابن حلال
واللي يحب الزين مايرضى بقرن من البصل

@

اللي تعشى بالكذب ماتغدا
واللي تعالج به من السقم ماطاب

@
‏كلن يبا يقوم دون الواجب الي عـــلاه
اما فقرعاد ولاليم المرجلــــــــــــــــه

والاخره تفرز الكفار واهل الصلاه
اللي يجونك بروسن غر ومحجلــه

@

يبقى لها لحظه وهزت راس
وان كان جاء للعب رغابه

من لايقيس الراي قبل يقاس
داسو عليه الناس بثيابه

@

ياعود انا خابرك تاكل باليسار وباليمين
واﻻكل بثنتين فجر الحلق فقر المايده

بعض الشهود اثنين عن واحد ووحد عن ثنين
وابن الحﻻل اما لقي شاهد لقي له شاهده

@
حملت امانه واﻻمانه ما تحملها الجبال
ان صنتها ﻻباس وان وكلت يموت اكالها

ياخنجر الخداع يالي من يمينه فى الشمال
تهفي عن المقفي وترجع في نحر نقالها

@
يابن شريف لا تعرض للبوابير الثقال
خلك لحالك والبوابير الثقال الحالها

@

ما معي شك فى خنذف وﻻ في شبابه
وان مشت ما هجرنا راسها في يديها

كم عقول ن ماتعطي كل شي ن حسابه
تعرف الي لها ماتعرف اللب عليها

@

انا ليا انشقت بك القربه وخلاك البعير
اقطع قلوب القوم يوم انك دهنت اكبودها

@ @ @ @
هذي الابيات المختاره اجتهادات قروب اكراد العرب

تحياتي وتقديري