::{ مجالس قبيلة هذيل }:: موقع يهتم بتراث القبيلة ومفاخرها - مشاركة الشاعر /شاهر عبد الله الكعبي في حفل تكريم الشاعر /عويمر الكعبي

مشاركة شاهر الكعبي الهذلي في حفل تكريم الشاعر عويمر الكعبي الهذلي. والمقام تحت رعاية رجل الاعمال/ضحوان الهذلي (ابوفهد)
والاستاذ/هاني الكعبي الهذلي

إستهلال

الدعوة اللي جات من هاني طلق
حضرت البيها وكمل موجبي
غلاك ياهاني على قلبي سبق
غلا جميع الناس يالحر الابي
والشمل لامنه تجمع واتفق
داخل حدود الدين غاية مطلبي
والوقفه اللي من هذاه المنطلق
ماخذت فيها حق جهدي وتعبي
وإنكان فعلي مع لساني ماصدق
سلمت للحلاق دقني واشنبي

قصيدة المشاركة

ياهاجسي جنب عن القال والقيل
وإتعب لـ جلب الغاليه في وطنها

ودع شعاع الشمس واستقبل الليل
واطلق لـ جزلات المثايل رسنها

في ليلتن فاحت بها ريحة الهيل
والعود الازرق والقدوع ابصحنها

وقولة هلا يامرحبا والمعاميل
وكفوف يهطل وابل الجود منها

حضرت وامهار المدايح مشاويل
في حفل من يامر عليها وينهى

ربطتها خلف السهاف المناحيل
إلـ مثل هذا اليوم وافرجت عنها

وقدمتها حشمه وقيمة وتبجيل
للي تربع في الضلوع وسكنها

ابو فهد بـــلاّج ليل الغرابيل
قدوة بني كعب الزحول ولسنها

راع الكفوف اللي تمد المجازيل
يومن غيره في الردية دفنها

يمنى كما دجله ويسرا كما النيل
وانهار كل العالم اليا قرنها

اليا عطت تعطي من البل والخيل
واليا عثت بصفوف الاعدا ضمنها

ماهو بمن يعطي شيوك الاقاويل
وإيخلي الافعال تدفع ثمنها

نظم لشعار القبيله محافيل
ولم القبيله بالوفا واحتضنها

وشيد من جسور الموده مواصيل
والغل والاحقاد فصل كفنها

مع عزوته مايقبل النقص والميل
واليا وقف من دونها سد عنها

وإن عودت لمزاود الكيل بالكيل
هضبة طويق اللي رفيعه قننها

برك جمال اعقيل للحط والشيل
واشتالة افـ وسق الغوارب فتنها

اليا اهدرت يهدر لها هدرة السيل
وان جابها الله في رحاته طحنها

ماهي غريبه لارفع بيرق اهذيل
اليا تعزوت شامها مع يمنها