احساس من قلبي .... رمزي العميري
 

من واسع الحب يا روحي انا ابحمل
اشواق قلبي و ودّي لك ابهديها

لانك انته يا روحي عندي الاجمل
اما الاودام ترى مالي نظر فيها

احساس من قلبي اللي بالفعل يصمل
صامل و ماني بهرج الكذب امشيّها

اقوال صادق فعل معه الوفاء يشمل
ينطق بها قلبي قبل إلساني يحكيها

انت الحبيب وحياتي سعدها يكمل
لاكنت جنبي وعين الود تبديها

وانته نظر عيني اللي فيه ابتأمل
ما غيرك اشوف وانت عيني ممليها

ما كِل في شوفتك وفشوفتك مآ مل
مادام الاجراح انت اللي تدوايها

بالحب والود ياعمري انا مأمِّل
آمال طيبه وامال خير تاليها

هذه مشاعر وشوقي هذا مايعمل
اللي تهزالخفوق وبان خافيها

لكِّن ابى اقول لك مشكور ومجمّل
دامك حياتي لوحدك انت محليها

لـ / رمزي العميري