::{ مجالس قبيلة هذيل }:: موقع يهتم بتراث القبيلة ومفاخرها - محاوره بين الشاعر مطر الدعدي و الشاعر سامي بن ناجي المسعودي 👍

مطر الدعدي :
سلام الله عليكم في البدايه سنة الاسلام
يعم ولا يخص وربعنا تكرب محازمها

عليكم بارقا يمطر خياله ياهذيل الشام
مخايل برقها ساري وماها في قدايمها

سامي المسعودي :

هلا يامرحبا ترحيب وافي والرجال حشام
رياجيل الوفا ياهل الوفا كلٍ يحشمها

انا اخيل البروق اللي تلوح وكنها الالغام
توخر رجل والا رجل ماتقدر تقدمها

مطر الدعدي :

نبي نسري سوا ياصاحبي خل المشي قدام
ولاتضلم عباد الله مصليها وصايمها

يجيك العلم ياللي تستمع وتدور الاعلام
ولادري تستلمها وافيه ولاتسلمها

سامي المسعودي :

انا خابرك ياعنتر شجيع وفارس ومقدام
لكن يابو الفوارس قول عبله ويش لاطمها

انا خايف عليك من الزمان ودورة الايام
مواريث الجدود تبيعها والا تقسمها

مطر الدعدي :

ترا عنتر ولد شداد لابس للزوم حزام
وعبله لن نواها بالخطام يجيك خاطمها

مواريث الجدود نصونها ونقابل الاخصام
الحا تستاهل التكريم ولحا مانكرمها

سامي المسعودي :

حبال المشنقه فوق وتحتها كرسي الاعدام
يحجم موس روس وروس مايقدر يحجمها

مادام الصحف رفعت يامطر ماتنفع الاقلام
ولو اهل المراسم كلها تبري مراسـمها

مطر الدعدي :

ترا هذي السنه ياصاحبي ماهي سوات العام
انا شوف الهبايب دوبها هبت نسايمها

علي قول المثل مافيه لحم لا تحته اعظام
لكنك علم اللي مادرت بالعلم علمها

سامي المسعودي :

هذا عام الحصاد ان كان ماتدري يابو عرام
تقول الله يسلمهاواقول الوقت يصرمـها

ولو تزخرفت دنياك واغتريت بالاحلام
وبعض احلام خلق الله ماتقدر تحلمها

مطر الدعدي :

عساها ماتجف البير دام ان الورود حيام
اشوف الظاميه باين ظماها في براطمها

يطيح عرام خشم اللي منول كان فيه عرام
لكن النايمه لاشك ماصحيت نايمها

سامي المسعودي :

ابلبس وارد العطار والبس وارد البسام
وخل اهل القروب المحترم تسقط عمايمها