|
مساجله من الماضي القريب
مساجله مـن المــاضي القريب
بيني وبين الشاعر والاديب : محمد فناطل الحجايا الظيغمــي __________( لي غايةً عيٌا بها جور الازمان)_________ ذيب الكـرك جـاوب صـدى ذيـب هـدلان = وبــعـــواه جـاوبــلــه ويـقــنــب قـنـيــبــه انــا اشـهـد انــه ذيــب مانـيـب غلـطـان = ولــه شـوفـةً سـرحــان مـاهــي قـريـبـه لاشــك ابــو سـامـر عـزيـزً ولــه شــان = بقـلـوب ربـــعً مـــا ضــــرت للمـعـيـبـه تضـمـر لــه الاعـجـاب والـــود وكـــدان = قـــدر ووفـــا مـــن دون شـــكً وريــبــه شاعـر ولـه جـولات فــي كــل الاركــان = غــرب وجـنـوب وشــرق حـتـى مغيـبـه هـــذا الـوكــاد ولاش بـالـهـرج بـهـتــان = ولا قـلـتـهـا لــــي غــايـــةً وارتـجـيـبــه يالـقـرم فــي قلـبـي لـواهـيـب واحـــزان = ونـيــران قـلـبـي مـــا بــغــت تنطـفـيـبـه اشـكـي علـيـك الـحـال ياطـيـر حـــوران = وانـــت الــــذي يـسـعــى لـعـلــمً يـثـيـبـه لــي غـايـةً عـيٌـا بـهــا جـــور الازمـــان = وعيٌــا يـتـلاقـى مـــع شـعـيـبـي شـعـيـبـه مابـيـنـنـا حــالـــت اقـالــيــم واوطـــــان = ودونـــه عـصـابــات وذبــــح ونـهـيـبـه تـصـافـق الاحـــرار مـــع كــــل خــــوان = وكـلــن تـزعــم يــابــو ســامــر كـتـيـبـه مابـيـن ديــرة حـمـص وابــلاد حــوران = وحـــال الـخـطـر يـامـسـنـدي والنـشـيـبـه وشلـون مـادري كيـف يـاذرب الايـمـان = وشـلـون تـبـرا اجــروح قـلـبً عطـيـبـه غــروً ولــه بالـقـلـب مـوقــع وعـنــوان = وغــيــره فــــلا والله فـــــاز ابـنـصـيـبـه حـبـي لــه اصـفـى مــن قـــراحً بـعُـمـان = يـنـسـاب مـــن نـبــعً بـــراس الجـذيـبـه حــبً عـلـى وضــح النـقـا والـوفـا بــان = ولا خـنـت انــا بـنـت الـرجـال العـريـبـه احـبــهــا حــــــبً يـــوصـــل لــلاكــفــان = حــبً يـابــو سـامــر اطـعـونـه عجـيـبـه اشتـاق لـه شـوق الصـحـاري لـلامـزان = والـشـوق يـحـرق وانــت تعـلـم لهـيـبـه اسـبـاب بُـعـده شـيـبـن بـابــن سـوعــان = ماغـيـر اهـوجــس والـخـفـوق يهـذيـبـه ومن شافني ينشد عسى ماانت مرضان = بــي عــلــةً واحــتــار فـيـهــا طـبـيـبــه وان مـالـفـابـه حـــــظ يـامـسـنــدي زان = لاوالله الا ايــــام عـــمــــري قــريــبـــه هـذا الــذي هـيّـض اهجـوسـي ابقيـفـان = وتـرجـمـت مـأسـاتـي ولــــون الغـلـيـبـه اظهرت لك وابديـت مـن مـا جـرا وكـان = مــن واقـــعً مـاكــان لـــي بـــه رغـيـبـه مـن واقـعً يفـرض اشـروطـه والاثـمـان = واذعـنــت انـالــه طـيــب ولا غـصـيـبـه ويـامـا نـخـيـت فـــلان وفـــلان وفـــلان = واصبـحـت انــا مجـبـر لـدفـع الضريـبـه ( محمد بن سوعان الربيٌع ) فـــرد الشـــــاعر: محمد فناطل الحجايا (ابشر بها بالحق ولاٌ نهيبه) حي الكتـاب اللـي لفـت فيـه قيفـان = مــن شاعر" بالحب يشكـي نصيبـه من وايـل الكبـرى سـلالات عدنـان = نـسـل البـيـوت الزاكـيـات العريـبـه حيـه عـدد مـا رف طير"بجنـحـان = ومـا ذعـذع الغربـي وجانـا هبيبـه واعداد ما مدوا على الهجن ركبان = وعـداد مـا عينـي لنـومـه حريـبـه يالوايلـي يـا نسـل ذربيـن الايمـان = نـار الهـوى لـه بلسـمً تنطفـي بــه ان كانـهـا ببـلادنـا يـابـن سـوعـان =ابـشــر بـهــا بـالـمـال ولا نـهـيـبـه ناخـذ لبوهـا روس حظـرً وبـدوان = بالـجـاه والـلــي يطـلـبـه ننتخـيـبـه وان كانها بالشـام حـرب ً ونيـران = وشبيحة"مثـل الـوحـوش المنيـبـه فيها الاسد عنـده وحـوشً وثيـران =ولاهمـهـم شــوق الحبـيـب لحبيـبـه على الهويـه يذبحـوا ذبـح خرفـان = حرب"على السنه وما هي غريبـه اصبـر لعـل الله يخلخـل لـه اركــان = ويــزول حـكـم الطـاغـي وتلتقيـبـه وما دمت يا راع الوفا فاقد انسـان = وطـال الفـراق وطـال عنـك مغيبـه انا فقدت اللـي عضيـدي بالاخـوان =ولقيت انا بالصبـر وصفـه عجيبـه من شفتهم لفوه في بيض الاكفـان = صـارت حيـاتـي يــا محـمـد كئيـبـه عفت الغرام وحب نعسات الاجفان = شعـل الـخـدود معـطـرات الذويـبـه واليوم انـا مـا بيـن سجـده وقـرآن = وعـقـب الجهـالـه ربـنـا نحتمـيـبـه هذا الذي بالقلب عقـب الخفـا بـان = وخـوافــيً يـالـقـرم مـــا ينحكـيـبـه وصـلاة ربـي عـد هطـال الامــزانن =وعدـد الحيـا ببـلاد خظـرا خصيـبـه علـى رسـول ً للهدى كـان برهـان = شفيعـنـا يــوم الـمـواقـف صعـيـبـه محمد فناطل الحجايا رد ثاني على الشاعر ابو سامر حـي الجـواب اللـي لفانـي امسـيـان = واعـداد مـاهـل الحـيـا فــي صبيـبـه يامـرحـبـا مـوصــول ودً وعــرفــان = يـا شاعـرَ ريـضـان فـكـره خصيـبـه مــا يبتـحـل بـاالــرد لاجـــاه قـيـفـان = ماهـو مـن الـلـي يستعـيـن ابربيـبـه من هاجسً يحوي مع الدر مرجـان = قيفـان مـن فيـض المشاعـر رتيـبـه اللـي بكـم مبخـون ياطـيـر حــوران = نـخـوه وشيـمـه والسـلـوم الاديـبــه ما كان ودي لك بتهييـض الاحـزان = ايضـا ولا عـنـدي عـلـوم المصيـبـه والله يرحـم مـا فقـدت مـن الاخـوان = ويغـفـر ذنــوب اخـطـاه ثــمً ويثيـبـه دنيـاك هـذي كــل حــيً بـهـا فــان = راح الرسول المصطفى مع صحيبه مادامـت لقيـصـر وكـسـرى بـايـرانو = ولفـذ ابــو عــداي سـطـوه وهيـبـه مير اصطبر وامـلا فـوادك بالايمـان = وشـرواك ضـارن للامـور الصعيبـه امـا الـذي عـذب خفوقـي والاعيـان = ماهي عشيقه وقت وامست خطيبـه عـلـى كـتـاب الله وبـشـرع الاديـــان = تمـت قبـل عاميـن زوج وحبيـبـه واليوم انا بشكرك من قلـب ولسـان = ويـاعـل عـمــرك سـالــم وتهتنـيـبـه المـعـذره يانـسـل قــومً لـهـم شـــان = نسـل الضيـاغـم والـجـدود العريـبـه محمد بن سوعان الربيٌع |
| الساعة الآن 02:12 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل