الفنجال الاول
 

قصيدة للشاعر محسن بن عايض بن فهم الهذيلي البقمي

برسل على الشعار جملة مراسيل=والشاعرات اللهن رسايـل تـودا
ترى الشبح زعلان بالحيل بالحيل=يقول نسيونـي وأنـا مـا تـردا
أنا الـذي فيـه تزيـن التماثيـل=ليه بكل الأرض جـزر(ن) ومـدا
ما ني بهطبول(ن) مطية هطابيـل=راعيـه دايـم فالطريـق ايتجـدا
وأنا أشهد أن الجيب عز الرجاجيل=دايـم لعسـرات الـدروب يتحـدا
اليا طلع في عاليـات الغراميـل=مثل الحنش ينساب وصف(ن) وقدا
ايعوض المشتاق فالجيش والخيل=ان قام في روس الرجـوم ايتبـدا
يهرف هريف الذيب يوم أقبل الليل=اليا عطى له صحصح(ن) مجرهدا
مراوحة قامـت تجـر المواويـل=صوافر أنـذار(ن) خطرهـا تعـدا
اللي صنعهن قلد الجدي وسهيـل=نجم(ن) على رمل النفود ايتهـدا
ليت المواتر تشرب البن والهيـل=حتى له الفنجـال الأول يعدا

رد: الفنجال الاول
 

ايعوض المشتاق فالجيش والخيل=ان قام في روس الرجـوم ايتبـدا

ليت المواتر تشرب البن والهيـل=حتى له الفنجـال الأول يعدا

صح لسان الشاعر محسن بن عايض بن فهم الهذيلي البقمي

وسملت أخوي الباحث

على النقل الموفق

رد: الفنجال الاول
 

السلام عليكم ورحمة الله وبركاته.
ليت المواتر تشرب البن والهيل ......حتى له الفنجال الأول يعدا.

الله صح لسان الشاعر وانت بعد ماقصرت..الله يعطيك العافية..

بالغ الشكر.

رد: الفنجال الاول
 

يعطيك العافيه اخي على النقل المميز


تحياتي لك

هتلر

رد: الفنجال الاول
 

صح إلسان القايل
و تسلم يمين اللي على المنتدى كتبها