::{ مجالس قبيلة هذيل }:: موقع يهتم بتراث القبيلة ومفاخرها

السلام عليكم ورحمه الله وبركاته
هذي قصيده للشاعر / فيصل بن رداد بن سويلم العلوي الهذلي (قصيده في قبيله هذيل )
يــامــزيـن الــدلـه مــن الـبـن والـهيـل * فنجــالها مـبهـور بالــزعــفـرانـي
ويـامـزين الهـاجوس فـي هجعت الليل * والا هــجوس يجيبها عــلم ثـانـي
هـاجـس صـريـح ولا يجي مـنه تأويل * وأنا علـى الحـكمه مــعود لسـانـي
لــو أبــدع الـشيله وأغــني المــواويـل * الـكـل يسـمعني واشــد الذهــانــي
في مـجلس أهـل العرف قوم المـعاميل * أقـدر أهل القدر وأعـرف مـكانـي
فـي حــكم جـمال يســوق الـجـمـامـيـل * راعــي الكـرامه والكـرم والأماني
الـيـا نـوى ســرى جــمـالـه مـحـاميــل * يشـهد لـه الجــو الفضـا والمـواني
بـاسـط يمين الـخيـر والـخيـر مـحاميل * مــادام لـه قصـر عـلى العـز بـاني
دار الـمـلـك عـبد اللـه الـعـدل والـميـل * مـيل عـلى الشـده عـدل كـل حـاني
وحــزامـه السـلـطــان سـلطـان حــيـل * راعـي الـدها والطيب طيبه كفانـي
ونــايـف الـنـايــف يــوفــي المـكـاييـل * وآل ســـعود أيـمان ذرب اليـمـانـي
والــيـوم وقـَلـت الـهـمـم كـل تــوقـيــل * مـــادام عــزام الحــمـيـه دعــانــي
ابـنـي بيــوت بـالـمـعـانــي مــكـامـيـل * أبلـغ مــعانـي قـلتـها فــي زمــانـي
فـي قـدر ربـع تـشـعـل الـنـار تـشـعيل * والشـعر لـن غـنيته مــا عـصـانـي
ربـعـي هـذيل الـيا طـرو عـزوه هذيل * يحسب لهـم فالنـاس قـاصي وداني
تـاريـخهـم مــاروث جـيل بــعد جـيـــل * تاريخنـا ليـن مـا حـكيتـه حـكـانـي
هـيه ارعـنوا للـعلم مــوجز وتـفــصيـل * مــن قبل مــا نور الشــريعه يباني
نبـل الـخـصـال تـمثــل هــذيل تـمثيـل * ومن الخصــال العـابره ما دهـاني
أهــل الــكــرم والـجـود بسط الأناميـل * طلق الأيــادي ما رضـو بالـهواني
والشــاذلـيـه فـي بـطــون الــفـنـاجيــل * تـروي شـوارب كل قاصد وعـاني
ولـضيوفــهـم مــا يقـدمـون الـمـهـازيل * مـا يقـدمـون إلا سـميـن وسـمـانـي
وأهــل الفــروسـيه هـل الجيش والخيل * شــقر الوصــوف مـقلدن العنــاني
وقـــت النــدا كـــل الجـمـاعـه مـبـاتيـل * كلا يقــول الحــرب والله جـوانــي
عــتـــادنـــا مـــنـعـد مــحنـا مـعــازيــل * والـدرع والارمــاح ردف الحواني
ولا اقـتـفـيـنـا جــيـش قـــوم مــغـافـيــل * نعلـن علـى روس البيـارق علاني
كــم غــزوه يــوم الـسيـوف الـمـصاقيل* مـن حضـنا والخصـم مـاله بيــاني
وأهـــل الـلــغــات مــذلـلـين الأقــاويـل * نبنـي عـلى صـرح الفصاحه مباني
فــعــل فـعــولــن فــاعــلات مـفـاعـيـل * درر تــداولــها فــــلان الفــــلانــي
وأهــل الشــعر والـعـرف نقظ ومفاتيـل * وعـكاظ سـوق الشـعر نشد الأغاني
والـقـافـيه والــوزن عـقــل ومـعــاقيــل * ومـقـيـد الـمـعنـى جـنـوبـه مــتـانـي
بـالـشـعـر عـدو مـنـزلـه نـجمـه سـهيـل* يـاكـيف يلـحقهـم سـهيــل اليـمـانــي
وأهـل الـوفى والـدين مـا حـنا مـجاهيل *والـديـن مـن ثـوب العــزايم كسـاني
صـحـابـه مــحـمــد نــهــار الـتـهـاويل* المصطفى مـمـا اصـطـفاه اصطفاني
نــرتــل الــقـــرآن لــلــنــاس تــرتيـل * وأرفــــع عــلى تلك المـنـابـر أذانـي
ما اقصر خطايه عن هل الخير لو ميل * والشــر واسـبـابـه حــشى مـا طراني
قـلت الـقـليـل وعـــذركـم يـا ريــاجـيل * مــن قــبل نـور البـعثـه لــها الأوانــي
تـاريخنا سجــل عـلى الصخـر تسجيل* حـتى الصـخر مـن حـر صـاليه لانــي
مـــن دون نـقـص فـي الـقبايل مـقابيل * والنــعـم مــا تقصــر حــبال السـوانـي
وخـتـامــها جـملت فـي الـعــلم تـجميل * صــلـوا عــلى مــحـمد لـه الامــتنـانـي
الــهــاشـمي الــنـور خـــير المــراسيل * هــادي البــشر والله لـهـديـه هـــدانـــي
عــداد مــا جـــاب الرســالات جـبريل * وعـــداد مــا دن الـــرعــد فــي ثـواني
وعـــداد مـا تبـرق بـروق الـمـخـاييــل * وعـــــداد مـا هـلت هــمـول الـمـزانـي
وسلامتكم