زوماة بين هذيل و سليم
 

زوماة قبيلة سليم

سلام تسليم الخيال اللي مخيل بارتكاز
يدري به اللي في ضواحي نجد واللي في الحجاز
برقه يسر الناظرين و كل ماله في عزاز
يفرح به المسني ليا صابه و حالفه النصيب


والثانية جانا خبر من شخص ما هو من جهاز
إن الأديب الأصمعي منكم تعلم بامتياز
و الأصمعي مدرك فنون الشعر في وقته و فاز
واللي يورد حجته من لا دليل أمره عجيب


واسألكم عن بنت طول العمر رهن الإحتجاز
مبني لها محراب داخل حصن من دونه ركاز
محرابها بنيه حديد و حصنها بنيه قزاز
و مقفلة ببيبان مبناها عن الضيف الغريب


والرد من قبيلة هذيل


يا مرحبا ترحيبة تثبت ولا فيها هزاز
رحب يجوز وكل ما قلنا يجوز العلم جاز
من ربعة يشهد لها التاريخ تفخر باعتزاز
من سابق الأيام فالماضي و حاضرنا القريب


والثانية جاك الخبر و الحق ما عنه انحياز
ومن يجهل التاريخ ينشد عن عكاظ و ذا المجاز
والأصمعي منه تعلم منه حاز العلم حاز
وحجة لها برهان ما تخفى على القلب اللبيب


ياللي تقول اللغز ما يخفى لو إن العلم تاز
اللغز حله سهل ما هو صعب من هاك الطراز
ما قصها قصاص أتر حيث إن مبناها هزاز
حيث إنها جرة نبي الله براهيم الحبيب

رد: زوماة بين هذيل و سليم
 

السلام عليكم ورحمة الله وبركاته..
الله يعطيك الصحة اخوي اللحياني..
وبيض الله وجهك..
بدع ورد ولا أروع ..

الله يكرمك..

رد: زوماة بين هذيل و سليم
 

رد: زوماة بين هذيل و سليم
 

رائعة في نظري وتستاهل امتياز

أشهد أن الرد شفى وكفى

والحل صح 100 %

رد: زوماة بين هذيل و سليم
 

الله يعافيك و وجهك أبيض

رد: زوماة بين هذيل و سليم
 

لا شكر على واجب يا غالي

رد: زوماة بين هذيل و سليم
 

مدري أنا أستاهل امتياز ولا شعارها!!!!!!
عموما مشكور على مرورك

رد: زوماة بين هذيل و سليم
 

اللحياني هنا؟

لاشك اننا سنتابعه ونتابع كل ما يأتي به

الف شكر ياللحياني على المتابعه والنقل

والحدايه من النوع الفريد

والرد لا شك انه اقوى

وحل اللغز ميه الميه

الف شكر ولا تقطعنا لا هنت

رد: زوماة بين هذيل و سليم
 

ألف عفو و زيادة

و لا ني بقاطع عنكم إن شاء الله

رد: زوماة بين هذيل و سليم
 

دمت وسلمت يالذيب

وتحيتي لك ولا شك أن لا يأتي بالجزله إلا الاجزلي

وتقبل مروري .

رد: زوماة بين هذيل و سليم
 

يسلم غاليك و الشر ما يجيك


شكرا

رد: زوماة بين هذيل و سليم
 

اخوي اللحياني الهذلي بيض الله وجهك

ومشكور على النقل الجميل



تحياتي لك
عاشق هذيل القارحي

رد: زوماة بين هذيل و سليم
 

وجهك أبيض يا غالي

رد: زوماة بين هذيل و سليم
 

رائعه يا الحيانى حدايه صعبه....لكن ما تصعب على هذيل.

رد: زوماة بين هذيل و سليم
 

مشكور اخوي على ابداعاتك