![]() |
قصتي مع النسكافيه؟؟؟؟
السلام عليكم
ابخش بالموضوع على طول دون مقدمات ولاكلام كثير ( يقالي مختصر) الكرم بعض المرات ينقلب عليك يوم الخميس اتصل علي اخوي الكبير يسلم علي طبعا فاقدني لأني منذ مبطي ماتصلت عليه لانه هو البنك حقي لاطفرت اتصلت عليه عاد هو حبيب ما يقصر وانا بعد استاهل المهم ...... لزمت عليه الا اقهوية قلت الحين تجيني ... قال الرجال خلاص جايك. طبعا حنا يا الجيل التالي (اللي يشوفني يقول من مواليد1402هـ) ما عندنا قهوة وشاهي حنا لاجاء الضيف انقدمله نسكافيه ولاكابتشينو ونذبحله همبورجر ولا برستد ولا حوت؟؟؟؟ عاد يوم جاء اخوي ونطيحلك بالنسكافيه تقل اول مرة انشوف نسكافيه المهم اخوي شرب 4 اكواب وانا خلصت( قدر) النسكافيه كله يوم تقهوينا ونبسطنا راح اخوي قمت اقلب قارورة النسكافية اشوف باقي شي لكن للاسف مالقيت شي وطيح عيني على تاريخ الانتاج ويطلع منتهي تاريخه له ثلاث اشهور قلت يارجال انشاالله ماهو جايك شي نمت يوم قمت الصبح الله لايوريك الباطنيه رايحة فيها واجلس لك يومين والباطنية رايحة فيها والمسكين اخوي اللي تعور شكلي اذا اتصلت عليه ماهو راد علي الا بعد سنة وبعدها اذا طبيت بقالة وشفت النسكافية اخاف الي يشوفني يقول شايف فلم مرعب واطلع من البقالة على طول وهذي قصتي .......واستروا على مواجهتو تحذير(اقرا اي منتج قبل شربه او أكله وخاصتن النسكافية) كاتب القصة والحوار/واحد من العيال بطولة / اخوي الكبير.....والفنان القدير/ هتلر ضيف الحلقة/ النسكافيه |
رد: قصتي مع النسكافيه؟؟؟؟
وين النااس
|
رد: قصتي مع النسكافيه؟؟؟؟
الحمدلله على السلامة
خلك في طبايع العرب القهوة والقدوع او خذ النسكافة الجاهزة تراها حلوة |
رد: قصتي مع النسكافيه؟؟؟؟
ههههههههههههههههههه
أقول إرجع لأصلك أحسن الله يخلي القهوة العربية |
رد: قصتي مع النسكافيه؟؟؟؟
واافي ياخي نبي نتقدم شوي
وبعدين لعاد تطري النسكاافيه ترى يجيني حالة رعب منها مشكور على المرور |
رد: قصتي مع النسكافيه؟؟؟؟
طيب ياستااذه هذليه
هالحين اللي يسمعك يقول هذا متغرب في النمسا ولا يعرف القهوه والمضير والعيال كلهم مشكوره طال عمرتتس ونرجع وليه لاا هتلر |
رد: قصتي مع النسكافيه؟؟؟؟
الحمدلله علي السلامة ارجع للقهوة احسن لك
|
رد: قصتي مع النسكافيه؟؟؟؟
تيك اوف الاخوان كلهم ضدك
لكم سوي الي تبي ماعليك |
رد: قصتي مع النسكافيه؟؟؟؟
يالله سوينا تبين معي
مشكوره طال عمرك |
الساعة الآن 02:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل