|
الخطـــة المدروســـة
[frame="1 50"][poem=font="Simplified Arabic,5,#8b0000,normal,normal" bkcolor="" bkimage="" border="none,1," type=1 line=0 align=center use=ex num="0,"]
قال إنفعلت , وقلت روق وهدّي=لاتأخذ الموضوع مأخذ جِدي إعرض عن الجاهل وخلك عاقل=فوّت كثير من الكلام وعدي أنا مجرب خطةٍ مدروسه=إليا بليت بجاهلٍ متحدي أقول يابن الناس ماني قدك=وانا ادري إنه صدق ماهو قدي لكني ابعد عن جدال الجاهل=يغثني وإلا يبيّح سدي وإلا بدر مني طوارف هرجه=يسمع بها العاقل وتحسب ضدي وانا مع العاقل رصيدي عالي=اللي ليامديت قدّر مدي ماودي أخسر من رصيدي عنده=لو إن ضَد الخصم غاية ودي لكني اسمع هرجته وازهلها=وانا على دعواه جاهز ردي خله يعوّد مقتنع بافكاره=واللي يجيب من الدروب يودي وإليا زهمني قلت ماني فاضي=أمر وارد السلام معدي بعض المجالس ماتناسب مثلي=أفضل من إقبالي عليها صدي والله عن اصحاب الردى مغنيني=اجوع وآكل لقمتي من كدي الله يرحم شايبٍ وصاني=ويقول هذي من وصايا جدي من سار في درب الكرامه يكرم=ومن سار في درب الردى متردي وصية الشايب وانا حافظها=من قبل مايبدي الشعر في خدي واليوم أخذت من التجارب قسمي=واعرف حدود الناس واعرف حدي[/poem][/frame] |
رد: الخطـــة المدروســـة
بيض اللة وجهك ياولد العم وهذى من عوايدك وانا اعرفها وانا عصبى كح ونرجو المزبد
فى منتدى قبائل هذيل وبدون عصبية شديدة |
رد: الخطـــة المدروســـة
صح لسانك يا عبدالله الطلحي
قصيدة حكمة وحكمة قصيدة في أسلوب سهل شديد الإمتناع أشكرك |
رد: الخطـــة المدروســـة
أبو ناصر
\ / \ الحكمة .... السلاسة ... الروعة \ / \ قصائد تتمنى قراءتها أكثر من مرة \ / \ أهلا بك أستاذنا الغالي منذ زمن لم نقرأ روائعك هنا / \ / نسأل الله أنك بخير \ / \ تقدير وتحياتي |
رد: الخطـــة المدروســـة
السلام عليكم ورحمة الله وبركاته.
شاعر الحكمة . شاعر الأخلاق . الأستاذ عبد الله الطلحي .. أقول يابـن النـاس مانـي قـدك وانا ادري إنه صدق ماهـو قـدي قصيدة كلها حكمة وتجربة.. كالعادة لا جديد تميز منقطع النظير.. الله يبيض وجهك ....ولو أن لنا عتب كأخوة وأبناء عمومة عليك بعدم تواصلك معنا .. نحن نقدر مسؤلياتك ولكن لك حق ولنا مثله .. تقديري. |
رد: الخطـــة المدروســـة
اقتباس:
صح لسانك ياشاعر الحكمه ، والله قصيده تكتب بمداد من ذهب |
رد: الخطـــة المدروســـة
هلا والله ومرحبا بذخر ابوي وجدي وتاج راسي/// عبدالله الطلحي وش الغيبات يابوعلي عسى المانع خير يابن العم . إبن عمي الغالي مثلك اذا غاب ينفقد والله لايعوقك بشر آمين . أهـديتنا جتك الهدايا ِصـردي×××××××من طول غيبتكم تصاعد وجدي مايدرك الحكمه قليب الغافــل ××××××× ولايفرق المزحه بهرج الجدي ولاياكل الاسنان كود السوسه ××××××× ولطمتك ياعيني ترى من يدي يقـولي لي يابـو تـراني ولـدكـ ××××××× ويقـول هــذا يا يـبو مـن كدي واللي يغض الطرف هو يتساهل ××××××× يهــين نفسه من كثر مايعدي لابـــد يعـــرف كل واحــد حــده ××××××× ولايبيح سدوده وابيح ســدي الــعـقل للـعقال صـــرح عـــالي ××××××× يتعب قـليل العرف والـمتردي وادراك يا الــعيه بكـــل امــوالي ××××××× ولاتذكر العربان عيه عــندي واكفي الــعربان هــــب غــباره ××××××× واقفل الـــطاقه ووثق ســدي وليا مـضى في علـم خلـه ماضي ××××××× خله على وجهه تريب الخـدي اعرف مقامي وعـزتي مـن اهـلي ××××××× امــاصــدر ولا ورود العــدي مــانيب عاقــب ســـاقة الـــرجليه ××××××× اناعن ادروب الردى منصدي ويانفســي القنعـــه تراهــا زيـــنه××××××× حذرا على مال العرب تمتدي اللــه موصـيني بلـــين الجــــــانب×××××××على الضعيف اللي ترجى ودي ومن خــير نبع الخـير مـن هــادينا××××××× من قبل أبودي وجدجد الجدي الــخير مـن يعمـــله يجـــزى بمــثله××××××× والطيب رد الطيب بــد الــــبدي واللــــه يرحــــم كـــــل مـــن ربانا ××××××× على علوم مثل زهر الــوردي وترزقـــهـم الــجنات فيـما عـانــوا ×××××××تغسلهم با الما القراح البردي وســـــلامتكـ يا اعز النااس الوادي ماهو كما البحر بس هيضتني با العلوم الطيبه. وتلاطم سيلي وتفرع للودان من واديه. |
رد: الخطـــة المدروســـة
[align=right] صح لسانك .
امانة ايش تبغاني أقول انت يأبو ناصر فوق مستوى المدح . نحن بإنتظار المزيد. ودمتم،،،،،،،،،،،،،،،،،،،، ،،،،،،،،،،،،،،،،،،[/align] |
رد: الخطـــة المدروســـة
صح لسانك يا أبو ناصر
عزالله قصيده جزله من شاعر جزل بيض الله وجهك |
رد: الخطـــة المدروســـة
واليوم أخذت من التجارب قسمـي
واعرف حدود الناس واعرف حدي عز الله انك ما قلت الا الصحيح وفوق هذا تنشرها للناس ليعتبروا بيض الله وجهك يابو ناصر وصح الله لسانك يالغالي |
رد: الخطـــة المدروســـة
شاعرنا و استاذنا الكبير أبو ناصر
صح لسانك يا غالي و بيض الله وجهك مثل ما تعودنا و عودتنا دائما و ابداً على كل جديد مفيد من خيالك الواسع الملئ بالحكم و الدرر الثمينه ننتظر جديدك بشغف بارك الله فيك تحياتي ,,, |
رد: الخطـــة المدروســـة
بيض الله وجهك
وصدق من سماك شاعر الحكمه |
رد: الخطـــة المدروســـة
الله الله يا شااعر الحكمه الله وأكبر
الله وأكبر أنت أكبر من أسم الإبداع لله درك حتى الرضى |
رد: الخطـــة المدروســـة
صح لسانك على هالقصيده وعلمنا وش جديدك في الأشرطه الأسلاميه ترى أنا متابع لأشرطتك شكرا لك
أخوي خالد ياليت ترسل رقم جوالك على رساله خاصه شكرا لك |
رد: الخطـــة المدروســـة
صح لسانك
قصيدة سلسة غزيرة بمعاني الحكمة أنا أولا أتفق معك ومعجب بالحكم والافكار التي أوردتها وهذا جانب من الابداع والجانب الآخر هو صياغتها في قالب شعري سلس ممتع للمتلقي |
| الساعة الآن 10:54 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل