::{ مجالس قبيلة هذيل }:: موقع يهتم بتراث القبيلة ومفاخرها - محاورة بين جار الله السواط والمسعودي صوتياً طبعاً

بسم الله الرحمن الرحيم

عودة إليكم من جديد مع محاورة جديدة

هذه المحاوره بين عبدالله المسعودي رحمه الله وجارالله السواط

السواط

ياسلامي عليكم يا كرام السبال
قبل ما ابدا اللحون وصفكم لايغيب
المثايل تدرج والمعاني ثقال
في بحرها يعوم الأجنبي والقريب

المسعودي

مرحبا يا مدورة الجمل والجمال
اجهدوا واعرف ان لكل مجهد نصيب
يا رسيلي على الأصحاب روح وتعال
والحصيني حصيني صح والذيب ذيب

السواط

بعد ضاقت بك السكه صدمت الجبال
والدكاتر تداوي كل جرح عطيب
ما مضى وانقضى ضليت لك راس مال
والعشيه بنوكك فاضيه يا غريب

المسعودي

من قطع من يمينه ما شبع بالشمال
لو يمرق على اللي له ثنعشر عصيب
المفلس مفلس ما فجيبه ريال
لو حمل جوخة الباشة وقدر الحليب

السواط

المنيحه يكفي ديسها أم العيال
و إن رمانا هدفنا يالهذيلي يصيب

المسعودي

الله أعلم بما يمضي لبنت الحلال
عينها تطلب اللي طالبه ما يخيب
حلت القافله وانحل منه الطحال
و أصبحت فوق معكاز الشيوب الكئيب

السواط

بنتنا مستكنه تحت ضاف الظلال
كل ليله نضحكها بعلم عجيب
أنت زعلان لك يومين و اربع ليال
شاب راسك يابن مستور قبل المشيب

المسعودي

يا ضياق الصدور ويا وساع الحثال
الغضب عرق فيكم لجل أبوكم غضيب
سال سيل الشتا واشتال جده وشال
واحد يطلب الله نو خير يصيب

السواط

ابك حنا وساع صدور في كل حال
ما كشفنا سدودك يا محمد نجيب
انته اصبر ويذّن فالمناره بلال
ما دريت ان في سكتك حطوا رقيب

المسعودي

من يبا يشرب الما من سراب الرمال
قاحله ماحله مابه عجب يا عجيب
واجبي مع بليس اقطع طوال الحبال
والشياطين ما يدنون قولة يهيب

السواط

نارد الما ونشرب من قراح زلال
والمريض المنوم ما لقاله طبيب
آه من دلوك اللي صافقت كل جال
ما رضينا عليك خلاف يا هالصحيب

المسعودي :
الغشيم ما يدري ان النخل له سلال
يحسب انه جريد اخضر وتمر رطيب
هاضني مرقبي في عاليات الجبال
شفت ما عفت ياربي فرجك القريب

السواط :

الغشامه لأهلها كل شي له مجال
كيف اناديك يا شيخ النقا ما تجيب
شفت لي داب اعمى من سنين طوال
ديرته ضاع فيها من شعيب لشعيب

المسعودي :

ما نبا الكيله اللي ناقصه في الكيال
جوع بطني عن السوق الردي ما يعيب
يا هذاري كثيره بين عم وخال
خير ضحكة عدو ولا نصيحة حبيب

السواط :

حط معدال للمطران مثل الرجال
يا مشبب يبا يرباك عمك شبيب

هذا رابط التحميل

http://9q9q.net/9q9q.net.gif [/color]

انتظرونا في محاورة اخرى [/color][/size]