|
انتة ولد شغالة
السلام عليكم ورحمه الله وبركاته
اخواني مين منا ما عنده شغاله ببيته ؟؟؟ وخاصه ( الخليجين ) تقريباً في دول الخليج فوق80% من الأهالي يوجد عندهم عامله . وش الي حاصل ؟؟؟ لهذا الدرجه أحنا " أتكالين " !!! لهدرجه أنفسنا ما تقدر ترتب غرفه و سرير !!! لدرجه تجي بنت توها متزوجه ما تعرف تطبخ رز ودجاجه !!! لهدرجه أحنا نعاني من تغير في النظام وخلل في البيت في الفتره البسيطه " بين ذهاب العامله وحضور العامله الجديده " ..!!! لدرجه أنه رجل البيت يسأل " الخادمه " موب زوجته وش ناقص ووش تحتاجون !!! والأعظم !!! تخلي كثير من الزوجات كل أمور الأولاد بعاتق " العامله " - لبسهم - طبخ أكلهم وتوكلهم - حتى السوق يخذونها معهم - حتى وقت ضيق الولد وحزنه يروح للشغاله ما يروح لأمه - وغيره وغير ..... الناتج من هذا .... 1- ولد معتقداته وأفكاره من " عامله " أجنبيه ليس لها أي فرع من معتقدتنا أو فكرننا . 2- ولد من لحم ودم أب وأم عربين مسلمين بس الهويه - سيلالنكي - بنقالي - أندوسي - ماليزي ..... 3- ولد لدرجه يعز " العامله " أكثر من والديه !!! 4- ولد يلهج ويتكلم بكلمات من لغه " العامله " !!! 5- لدرجه أننا ما نلقا الولد " بسريره " نلقاه بسرير العامله .... ألخ .... تشوفينه حياته كلها العامله لانه هي - مربيته - مأكلته - ملبسته - تواسيه بحزنه وتفرح لفرحه - ..... ونشوف كثير من الاولاد عذاااب ومووته يوم تسفير العامله كانه امنعوه من " أمه وحنانها " ومن " أب وطيبته " من اخ يعاونه " .... وأعيد وأكرر 777 7 وش الي حاصل ؟؟؟ يعني أنتي أو أنت يا مربين الأجيال أو قريب بأذن الله ... ترضا بشخص " غريب " يدخل ويكون المسيطر في البيت غير زوجتك أو زوجك ؟؟؟ ترضا فراشك ولبسك وأكلك من أيادي غير أيادي زوجتك ؟؟؟ ترضا " ولدك " الي فيه صرتو يسمونكم بأب وأم يكون مربيته غيرك وغير زوجتك ؟؟؟ سؤالي .... 1- ترضا بكذا ولا لا ؟؟ 2- " بنطرك " من هي العامله أو الشغاله ؟؟ 3- أنت وأنتي واضعين حدود للشغاله ولا لا ؟؟ 4- لو بيتك يا زوج أو ببيتك يا زوجه هل تريدون شغاله ؟؟ أخيراً أسمحو لي بأسم الموضوع " أنت ولد شغاله " لانه كثير من أولادنا هم حقيقه " أولاد شغالات " |
رد: انتة ولد شغالة
أخوي العزيز الغالي /// المحسني
هذا الموضوع من المواضيع الهادفه والتوجيهيه اللتي تصب في توعية المواطن. الصراحه مشكله إجتماعيه خطيره للغايه . والاسر المهمله هي من سيتحمل عواقبهاا على المدى القريب والبعيد ايضا . وجزاك الله كل خير على مثل ها المواضيع اللتي تصب في توعية المجتمع السعودي المسلم. وهذا إن دل فإنما يدل على حرصكـ وغيرتك على إخوانكـ في الله. بارككـ الله ووقاكـ من كل سوء آآمين. وتقبل إحتراي وتقديري |
رد: انتة ولد شغالة
اخوووووووووي انت ولد سواااااااااااااااااق
للأسف كلنا نعتمد على السوووواق بشكل كبير لدرجه صار هو المحرم في كل شي وومانقدر نعيش بدونه يعني مايمديك توصل اهلك مشاويرهم 1-ترضى السواق يصير محرم لي ابوي اخوي 2-ترضى السواق يقضي مقاضي البيت والاب او الاخ نايم وتعبان لو تكلمت عن جانب السواق والشغاله سوا كان افضل وماانكر كلامك صح شكرا لك |
رد: انتة ولد شغالة
السلام عليكم ورحمة الله وبركاته.
أخي العزيز . أتفق مع ماتفضلت به أنت وأخي أبو جنوب والأخت هذلية ..جميعا أطروحاتكم جيدة .. وعل حد سواء الخادمة والسواق ... هم أدوات مساعدة .....بمعنى : الزوجة والأم الذكية هي التي تجعل عمل الخادمة مقتصر على الشؤون المنزلية كالتنظيف وغيره .. ولا تجعلها تتدخل في تربية الأولاد أبدا ...اي لا تبتعد عن أولادها وتربيتهم حتى إن كانت تعمل فعليها أن تأخذ إجازة طويلة وإن كانت بغير مرتب .......فهناك ماهو أهم . أما السائق فهو شر وعند الكثير شرٌ لا بد منه ومن وجهة نظر خاصة أعتقد أن الرجل أو الأخ الذي يجلس في البيت ليقوم السائق بإيصال عائلته هو غير أهل للمسؤلية وعليه ان يراجع نفسه ... والموضوع يطول والقضية أن هذا الموضوع أصبح من الماضي فهناك أمور نقاشها أصعب بكثير من هذا الأمر... وفقكم الله . |
رد: انتة ولد شغالة
أتفق مع أخي مشعل
يعني إذا كان أخوي ولا أبوي مشغولين والبيت ناقصها حاجة ضرورية السواق يجيبها والشغالة تساعد ست البيت إشوي لأن لازوجها ولا أخوها يساعدوها في التنظيف ومشاغل البيت |
| الساعة الآن 01:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل