|
يا صاحبي
السلام عليكم ورحمة الله وبركاته
لموقف تعرض له أحد الأصدقاء أحببت أن يكون حديث بالشعر وبشكل مختصر .... فتقبلوها بينكم [poem=font="Arial,5,#00008b,normal,normal" bkcolor="" bkimage="" border="none,1," type=0 line=0 align=center use=ex num="0,"] يا صاحبي يا اخوي يا اقرب من وريدي للنخاع= يا عزوتي لا ضاقت الدنيا وشانت حالها ما بيننا لحمٍ ودم ولا حليب ولا رضاع= مير الإخوة بيني وبينك عقدت حبالها فيك افتخر واعتز وأتشرف وأطول الارتفاع= وأنت الطويله عادتك يا اللي تجيب طوالها حبيت أقدم طيب نفسي لك بقدر المستطاع= ثم قلت أسويها قصيده صافيه بأمثالها ما جيتك اشكي لك من هموم التلاقي والوداع= وأقول بنت الناس ما ادري غيّبت وش جالها هي كلمةٍ من طيب خاطر ما تسبب لي صداع= والكلمه الزينه تبيّن في وجيه رجالها وأنا أعرفك وأفهمك وادري بك تجيد الاستماع= وتميّز علوم الرجال وتعرف اللي قالها أخاف لا طوّل بمدحك واندفع لك باندفاع= والمدح بوجيه الرجال انقاصة لأفعالها لكن بقول اللي يجول بخاطري قبل النزاع= عشان تقصير السوالف خير من تطوالها من يشتري برخيص ما يبطي على سلعه تباع= مالك ومالي الصحبه اللي تنحسب بريالها[/poem] وسلامتكم جميع |
رد: يا صاحبي
اقتباس:
الله الله صح لسانك والله يبو سعود دائماً مبدع في شعرك بارك الله فيك ويعطيك العافيه وإلى الأمااااااااام |
رد: يا صاحبي
أخوي العزيز الغالي//// هشام الهذلي شكرا على الرائعه الجديده صح السانكـ وعلا شآآآنك ولا هنت كفوا يابن العم وصدقت صحبة المصالح ماتدوم وصاحب المصلحه ما ينشد به الظهررر وتقبل إحترامي وتقديري |
رد: يا صاحبي
من يشتري برخيص ما يبطي علـى سلعـه تبـاع
بيض الله وجهك وما قصرت والله يوفقك إنشاء الله حتى نراك تقارع كبار الشعراء قولوا آميييييين |
رد: يا صاحبي
مالـك ومالـي الصحبـه اللـي تنحـسـب بريالـهـا
اي والله انك صادق يابو سعود لا هنت يالغالي وصح لسانك مليون |
رد: يا صاحبي
[align=right] سالم وغانم , وصح لسانك،[/align]
|
رد: يا صاحبي
هي كلمةٍ من طيب خاطر ما تسبـب لـي صـداع
والكـلـمـه الـزيـنـه تـبـيّـن فـــي وجـيــه رجـالـهـا كل كلامك طيب يابو سعود وأنت أبو الطيب دائماً . وأنا أعرفك وأفهمك وادري بك تجيـد الاستمـاع وتمـيّـز عـلـوم الـرجـال وتـعــرف الـلــي قـالـهـا صحيح وخصوصاً عندما يكون المتكلم هو هشام الهذلي فإنني أجيد الإستماع وأصغي لما يقول وأعرف جيداً أن هذا الكلام الطيب والجميل قاله أبو سعود . أخـاف لا طـوّل بمـدحـك وانـدفـع لــك بانـدفـاع والـمــدح بـوجـيـه الـرجــال انـقـاصـة لأفعـالـهـا صدقت والله يابو سعود حكيم . من يشتري برخيص ما يبطي علـى سلعـه تبـاع مالـك ومالـي الصحـبـه الـلـي تنحـسـب بريالـهـا الرخيص دائماً نغيص والصحبة اللي من وراها مصلحة دنيوية لاخير فيها . صح الله لسانك يابو سعود شاعر جزل وقصيدة جزلة ورائعة من روعة شاعرها . |
رد: يا صاحبي
القصيده كلها على بعضها رائعة
وصح لسانكـ وأكثر مايعجبني في القصائد المبدى القوي يا صاحبي يا اخوي يا اقرب من وريدي للنخاع ******************يـا عزوتـي لا ضـاقـت الدنـيـا وشـانـت حالـهـا صح لسانكـ مرة أخرى ياابوسعود |
رد: يا صاحبي
وعليكم السلام ورحمة الله وبركاته
اخي هشام صحيح اخاف لاطول بمدحك واندفع لك باندفاع والمدح بوجيه الرجال نقاصة لافعالها ولكن انا افتخر واعتز واتشرف واجيد الاستماع للابداع فقط .. صح لسانك وبيض الله وجهك .. دمت بخير ..حفظك الله |
رد: يا صاحبي
هنا اتوقف عند البيتين هذه
[poem=font="Arial,4,#8b0000,bold,normal" bkcolor="" bkimage="" border="none,1," type=1 line=0 align=center use=ex num="0,"] مــا بينـنـا لـحـمٍ ودم ولا حـلـيـب ولا رضـــاع=مـيـر الإخــوة بيـنـي وبـيـنـك عـقــدت حبـالـهـا فيك افتخر واعتـز وأتشـرف وأطـول الارتفـاع=وأنـت الطويلـه عادتـك يـا اللـي تجيـب طوالهـا[/poem] حرام لوقلت لي هذا البيت فيه لاتدين من البنوك واتسحب عشانك ما اقول الا ماشاء الله تبارك الله ياهشام والله ماعندي تعليق غير اللي قلته صح لسانك.. |
رد: يا صاحبي
اقتباس:
صح بدنك أخوي ذيب الفيافي وبارك الله في أيامك ومشكور على المرور |
رد: يا صاحبي
اقتباس:
الغالي أبو جنوب الشكر لك أخوي على مرورك صح بدنك وبيض الله وجهك والله يخارجنا وأنا أخوك من صحبة المصالح دمت بخير يالغالي |
رد: يا صاحبي
اقتباس:
ووجهك أبيض أخوي هادي ووفقنا الله جميع للطيب ومشكور على دعواتك الله يحفظك |
رد: يا صاحبي
اقتباس:
صح بدنك وأنا أخوك ومشكور على المرور الله يحفظك |
رد: يا صاحبي
اقتباس:
صح بدنك ومشكور على المرور |
| الساعة الآن 04:02 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل