|
اغرب قصه حب بالرياض
السلام عليكم
يقول بطل القصة رحت لمحل بيع الكتب المستعمله المكتبة ذي تبيع الكتب الرخيصه رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم .. الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا: ( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة.. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!! وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا ) ناظرت في التاريخ.. لقيته بكره !!!!!؟ ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي).. وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر ضبطت لها رد محترم وقلت لها: ترى أبي أشتريه عقب أسبووع .. ورحت أرجعه .. وفعلا رجعته وشراه الزوووول مني بنص السعر اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت بنت وشالته !! وانا اللي تنفتح كشرتي لين وصلت اذاني المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل.. لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي .. مررررررت الأيام وجيت مرة قلت للـزوول وين الكتاب؟ قال: ما أدري امبارح جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي عليك الله أخدوه الزول الكتاب الأصفر .. المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو أحمر أصلا مهوب أصفر .. المهم ديورت بسرعة ودخلت المحل بسررررعة.. تتوقعون وش شفت؟!!! لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات طلع اللئيم هو اللي انا خاق معه من مده >>>ههههههه عرف يطلع منه فلوووووووووووس انشالله عجبتكم *من الايميل |
رد: اغرب قصه حب بالرياض
ههههههههههههااااااااااااا ااااااي
خخخخخخخخخخخخخخخخ لا وأنا منسجم على الآخر على العموم أنا من جد لقيت ريال مكتوب علية رسالة قصيرة من بنت لصديقتها مو لصديقها ن الشئ الجميل ان الكتابة مؤرخة وعلى ما أعتقد قبل حوال العشر أو الثمان سنين أنا لقيتة معي بالصدفة بعد ما شريت أغراض من أحد المحلات لة عندي سنة الى الان ولا راح أبيعه لو يعطوني فية مليون قوية صح بس اشربوا موية وقولوا الأخ رومنسي صدقوني تسلك |
رد: اغرب قصه حب بالرياض
قال: امبارح اجت
بنت وشالته !! على كلامه هذا مستحيل يكون زووووول يمكن مدبلج |
رد: اغرب قصه حب بالرياض
شكرا علي مروركم وعموما ممكن تصير
|
رد: اغرب قصه حب بالرياض
والله الزول فيه مخ
|
رد: اغرب قصه حب بالرياض
شكرا علي المرور يالحازمي
|
رد: اغرب قصه حب بالرياض
تصدق عاد اول مره يمر علي زول بهالذكاء
مشكور طال عمرك ويعطيك الف عافيه تيك اوف |
رد: اغرب قصه حب بالرياض
شكرا علي المرور يا تيك اوف
|
رد: اغرب قصه حب بالرياض
مشكوووووووووووور اخوي السرواني
تحيه طيبه مني لك أخوك / زياد المسعودي |
رد: اغرب قصه حب بالرياض
هههههههههههههههه
والله فلة هال زوووول جابه كويس مشكور السرواني على الموضوع الطريف |
رد: اغرب قصه حب بالرياض
تصدق دريت انك تلعب من اول كتابه اجل معقول الكتاب مايشتريه الا انت وبنت بس
بس حلوه ولاكن لاتتعودها ههههههههههههههههههههههه |
رد: اغرب قصه حب بالرياض
شكرا علي المرور يالهذلية والذيب هذيل وعمر المطرفي
|
رد: اغرب قصه حب بالرياض
مع احترامي لك اخوي السراوني مواضيعك كل واحد احلى من الثاني
والله ابداع منك ماشاءالله عليك بس هذي القصة قريتها تقريبا قبل خمس او اربع سنوات على العموم مشكور وتقبل مروري ولا تزعل اخول الامبراطوررررررررررررررر |
رد: اغرب قصه حب بالرياض
مع احترامي لك اخوي السراوني مواضيعك كل واحد احلى من الثاني
والله ابداع منك ماشاءالله عليك بس هذي القصة قريتها تقريبا قبل خمس او اربع سنوات على العموم مشكور وتقبل مروري ولا تزعل اخوك الامبراطوررررررررررررررر |
رد: اغرب قصه حب بالرياض
لا ماني زعلان يا امبراطور وشكرا علي المرور
|
| الساعة الآن 06:13 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل