|
ماهي اجمل مرحله دراسيه مريت/ي بها؟؟؟
*·~-.¸¸,.-~*السلام عيلكم ورحمة اللـــه وبركاااااااااااااته *·~-.¸¸,.-~*
الموضوع باين من عنوانه: 1- ماهي اجمل مرحله دراسيه مريتوا فيها؟؟:waaady2: 2- حبذا لو تذكرون بعض مواقفكم الدراسيه>>ركزوا على حبذا:smi_89: وكل ماذكرتوا موقف تعالوا قولوا لاتردون مره وحده وتروحون:poster_dots: |
رد: ماهي اجمل مرحله دراسيه مريت/ي بها؟؟؟
أولى ثانوي
وفي يوم من الأيام نزلت للفسحه ويوم رجعت لقيت واحد من العيال جالس في ماصتي ومطلع الكتب حقتي وراميها برا .......... قلت له: ليه ليش يبو الشباب؟ قال لي موقعك هذا المكيف مسلط عليه وأنا موقعي ما فيه مكيف قلت له طيب ليش ما تستاذن مني؟ قال مو لازم ......... قلت طيب ليش رامي الكتب بالأرض؟ ليش ما تحطها عالأقل فوق ماصتك؟ قلي معليش آسف قلت طيب لو سمحت شيل الكتب قال واذا ما شلتها قلت لو ما شلتها راح أخليك تشيلها وتحطها في ماصتي الي انت قاعد عليها وراح أخليك تضف وجهك وتذلف ماصتك قال (خسيت يا ولد مالك) قلت (ما يخسا الا الخسيس) وأنا الي يرجه بالبقس الي سيّل دم خشمه ........ وفرعونا عيال الحلال وكالعاده الوعد (في الصرفه) وأنا انسان واثق من نفسي وأقابله ورا المدرسه وتوني بعطيه البقس ولا دريت الا وأنا طايح في الزفلت .............. وعينك ما تشوف الا "التعشير" الي في ضهري وراسي ويوم فرعوا اهل الخير وطالعت في خصمي الا هم ثلاث شباب طبوا معاه والشي الي ضحكني ان خصمي الأساسي كان يتقلب في الزفلت سألت العيال..... وش فيه قالوا صقعك بقس في راسك ومن وقته وهو يتقلب زي منت شايف ومن البكره ما جاء كان غايب جاء بعد يومين والا هو مجبس جاني وسلم عليه وأعتذر مني سألته........ سلامات وش بيدك قال هذا بأسباب راسك جاني شعر في عضمي ومن يومها وحنا أصحاب الروح بالروح |
رد: ماهي اجمل مرحله دراسيه مريت/ي بها؟؟؟
والله شديد
انا سادس لان كان عندنا استاد حسني شباب كان مطبق فلاوي يجينا في حصه فاضيه وطقطاا |
رد: ماهي اجمل مرحله دراسيه مريت/ي بها؟؟؟
1- ماهي اجمل مرحله دراسيه مريتوا فيها؟؟
ثالث ثانوي كنا مرة في الساحة أنا وزميلاتي جالسين نرشرش ماي على بعضنا وبالغلط جات على معلمة وبعدين مو لازم تعرفون وشو إلي صار بعد كذا خخخخخخخخخخ |
رد: ماهي اجمل مرحله دراسيه مريت/ي بها؟؟؟
احلى مرحله كانت ثاني متوسط وثالث متوسط كانت من اروع ايامي الدراسيه الي اتمنى انها تعووووووووود
|
رد: ماهي اجمل مرحله دراسيه مريت/ي بها؟؟؟
لاتضحكوا عليه
اروع مرحله دراسيه المتوسطه الصف الثالث وكانت من جد فله ووناسه وافضل موقف هو يقوم طلب مني مدرس الاتجليزي كتابة اسم ياسر بالانجليزي على السبوره وقمت وانا والله ماني عارف في الانجليزي شيء وقلي اكتب طالعت في العيال وكل واحد من الشباب حاط شماغه في فمه لانهم عرفيني اني تفشلت قلت خليني اخبصها واروح اكتب اسم ياسر بالعربي بس مقلوب وشوفوا الله لايوريكم العيال ماتوا ضحك والمدرس عصب عليه وهو مصري قلي قوم اطلع برى ياجحش لاعاد تدخل في حصت الانجليزي وقلي تفل في وجهي اذا نجحت وكل حصة للانجليزي وانا برى وفي الاخير رسبت في الانجليزي وفي ثلاث درجات لانه حاقد عليه موووووووووووووووووت ومشكورة اختي بنت ابومتعب |
رد: ماهي اجمل مرحله دراسيه مريت/ي بها؟؟؟
اجمل مرحله في حياتي
الثانوي ياسلام واذكر عندما كان يجينا مدرس الانقليزي ويقول افتش الكتاب <<<<< بالله هذا مدرس انقلش وعلى طاري فتشت الكتاب هي اللي خلتني ابنط في الانقليزي ماهو بسبب دلاختي ولكن لاني قلت اوبن ذا بوك فللامانه نعم للامانه ولكي لانسلبه حقه فقد فهم وش اعني وعلى قولت عيال حارتنا راعي الدقه يستقلى ومن يومها وهو جالس لي على ركبه وساق لكن تعرفون من هو تيك اوف وتعرفون وش سويت له عند كافتيريا خلود <<<<< امش يالقوي تيك اوف |
رد: ماهي اجمل مرحله دراسيه مريت/ي بها؟؟؟
أفضل مرحله دراسيه
ثالث ثانوي الموقف المحرج اللي صار لي قبل اختبارات الفصل الدراسي الثاني انهينا المناهج كالعاده وقرر مجموعه من الشباب الهرب من المدرسه واتفقوا مع واحد خارج المدرسه ان يرمي عليهم سلم وقت الفسحه وصارت الخطه مثلما ارادو ولكن هناك مشكله لايوجد مكان مستوي لتثبيت السلم جاني ولد خالي قال تكفى ياتركي افزع لنا وامسك السلم طبعا عارفين الجواب (ابشر والله) وبعد ما مسكت السلم متشوف العيال كل واحد زي الطلقه خطوه خطوتين الثالثه فوق السور بدأ حوش المدرسه يتناقص فيه عدد الطلاب وعند آخر واحد هذا بالذات امتحني كل شوي يميل يمين شمال ماطلع الا بعد مافقع قلبي يادوب ابحط السلم الى واحد من الطلاب من بعيد يأشر لي بيده يقول لي انتظر يوم وصل الى هو مبارك بن عبيسان مدير المدرسه قدرو انتم اش صار لي من مصايب |
رد: ماهي اجمل مرحله دراسيه مريت/ي بها؟؟؟
ههههههههههه اكيد اكلاتها على راسك
|
رد: ماهي اجمل مرحله دراسيه مريت/ي بها؟؟؟
ثاني ثانوي
انواع الفله والمقالب وحصل قصه لن انساها ما حييت وهي ان احد الزملاء كان بلشه وموذينا ومسوي فينا غير حق الله من انواع المقالب المشكله ان الزقاره اطول منه يعني ما يحمل له كف المهم كنت آخذ حذري منه دائما وفي يوم من الايام غفلت عنه وفي الحصه الاخيره سرق وحده من حذياني ودسها المشكله المدرس عندنا وانا جالس ادور تحت الماصات من بعيد لبعيد قال المدرس وش فيك؟ قلت ابد القلم ضاع <<< صعب اعلم وش بيقول عني؟ بيقول انسرقت وهي برجلك يا ........ المهم دق جرس الانصراف وجلست ادور ما لقيتها واحتشرت النتفه وفتشت عليه ما لقيتها المهم اضطريت الحق خوياي قبل يروحون ويتركوني المشكله اني نسيت وطلعت والحذا اللي معاي برجلي المهم عند الباب الا والمدير ينتبه لي ناداني الرجال وقال وين حذيانك الثانيه؟ قلت انقطعت قال خلاص روح المشكله ان كل الناس شافوني <<< الله من الفشله ويوم طلعت بالسياره ومشينا الا وصاحبي النتفه يأشر لنا ويفك الباب ويلبسني الحذيان برجلي ويحب راسي المهم حقدت من قلب عليه و.............. البقيه في رد آخر <<< تعبت من الكتابه |
رد: ماهي اجمل مرحله دراسيه مريت/ي بها؟؟؟
المرحلة الثانويه ثالث ثانوي وحصل ليه موقف وكذلك الجامعه وحصل ليه موقف
الثانويه خرجنا من المدرسه بدري وكنت ادوم مع عيال خالي ومعهم هايلوكس جديد المهم اعز اصدقائي كان اسمه خالد المسعودي وقلت يا الله نروح البقاله وكانت تبعد عن المدرسه شوي وان ما اعرف اسوق زين وكدنا نمووووت بسبب سواقتي السئه وكاد المجتمع يخسر مربي اجيال اللي هو انا (( امحق من مربي اجيال)) وكذلك دكتوور وهو زميلي العزيز الدكتوور خالد المسعودي ================================= موقف الجامعه اول يوم ادوم كان عندنا محاضره وما كان فيه اسماء وقال الدكتور اكتبوا اسمائكم في ورقه ولما وصلتني الورقه كان لنا فيه زميل واسمه مرضي ولمى شفت الاسم غيرت حرف الراء الى ميم ولما وصلت للدكتووور نادى با الاسامئ وتخيلووا الموقف المهم زميلنا زعل عليه شووووووووووي ورحت وحبيت راسه |
| الساعة الآن 04:27 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل