::{ مجالس قبيلة هذيل }:: موقع يهتم بتراث القبيلة ومفاخرها - رديه بين مدرستين من مدارس الشعر ( القارحي و الرياحي )

أسعد الله جميع أوقاتكم بكل خير .

أغيب و أتيكم بما يشفع لي بإذن الله ...

هذه مساجله بين علمين من أعلام الشعر في بلادنا فيها من الرمزيه والمعاني الغامضه ما لا يعرفه إلا من يعرف الشعر الحقيقي ... مع المشاركه و أترك لكم الحكم مع أن هذه المساجله سبق ونشرت في جريدة المدينه قبل مده ليست بالقصيره ..,
"
"

[poem=font="Traditional Arabic,5,#00008b,bold,normal" bkcolor="#fff2f7" bkimage="" border="groove,1," type=1 line=0 align=center use=ex num="0,"]

عطالله القارحي

القارحي قال يا خلاق وفقني =في وصف ما دار في فكري وهوجاسه
لي هاجسٍ في الزمن يسهر وسهرني=يا كثر هم الفكر لا زاد ة اتعاسه
اهرج مع الناس مير الوقت مشغلني =اقيس شيٍ كثير الناس ما قاسه
با اسباب ما شفت طار النوم ما جني=بيني وبينه تحدي دقة اجراسه
لا جيت ادور وصاله ما يدورني=وليا حضر صار فيني ياس من ياسه
لا قرب الليل قربني وبعدني=وليا اصبح الصبح طار النوم و انعاسه
الهم با الكوم و الافكار بالطني =و اقلوبنا من هموم الوقت حساسه
يا مرسلي خذ جوابي و انقله عني =بلغ سلامي سلامً زاد مقياسه
سيّر على اللي بنص اخطابنا معني=بالعرف و المعرفه ما خاب عساسه
تلقاه يوم إن بعض الناس صّدني =في منتدى هو من اعلامه وفراسه
اول كلامه تحيه عطرها بَني=يستقبل الضيف من طيبه ونوماسه
يازن بميزان ما يبخس به الوزني=وليا افلس السوق ما يشكي من افلاسه
وليا بنا البيت , له معنى ولـه وزني=يسيّس البيت من ساسه ليا راسه
" ابو بدر " طيّب العادات و القني=من روس قومٍ لهم في الطيب هنداسه
هذا و انا ما نصيته غير لجل اني=ادور الكيف من نجره ومحماسه
شاعر وفكري مع اهل الفكر وصلني =و العرف له ناس و التجديد له ناسه
ابعرض المشكله با اسلوبنا الفني=اسلوب راقي رقا معناه و احساسه
اسلوب سالم من الشكات و الضني =يا ذاهن العلم نبغا العلم بسياسه
يا قايد القافله لو يقرع الشني =خل الموسوس يموت بشر وسواسه
احداً بناها على سيسان هشني=و احداً في حد الصفا الصافي عمر ساسه
ترا الحسد ما نقَص في " مفرح الضمني" =و الكِبر كم نكّس إبن آدم على راسه
و العين با العين و اما السن بالسني=صفحات عدت ودبسها بدباسه
واليوم ما نعرف الشيعي من السني =حوسه ودوسه كثير الناس منحاسه
اليوم ما نعرف الجاني من المجني=ماعاد نلقا الذهب من كثرة انحاسه
يا كثر وبل المطر لكن لا كني=النو يمطر ولا نلقا ملا كاسه
ان كان ما نعتبر ما ينفع الحزني=لو يُكتم السر بين القلب و انفاسه
اللي اعجب الناس انا و الله ما اعجبني=حابس لساني ولا فكيت حراسه
هذا جوابي كتبته و الوفا مثني =للي يرد الخبر لا جاا في قرطاسه
صلاة ربي عدد ما رعدها دني=و اعداد برقاً يرفرف في السما ماسه
على نبيً بعث للإنس و الجني=إللي هدانا لدرب الخير نبراسه
**
**
**
**
********** هذا رد الشاعر فيصل الرياحي ***********
*
*
قـال الـرياحي كلام الذوق يطربني =الـشـعر بـستان والأفـكار غـراسه
يـاهـاجس الـشعر تكفى لاتـعذبني =مـاعاد بـيني وبـينك لـعب دسّاسه
دنـياي مـاقصرت والـوقت هـذبني =أعـطاني أحـسن تجارب عقل ودراسه
افـخر بـيومٍ عـلى الـشده مدربني =أعـرف زمـاني وش كـليبه وجساسه
" يـالقارحي " صـيحة الـمشتاق تجذبني =الـلي هـبوب الـزمان تـطيّر عماسه
يـالشاعر الـلي على المعنى تخاطبني =هذا جـوابي وهـذا الـثوب وقياسه
أنـا أدري إنـك بطول القاف غالبني =قـبست جـمر الغضى وإشتب مقباسه
كـنك مـع الـقاف تـقراني وتـكتبني =سـويت لك في ضميري حكم ورياسه
إن مـأتفق ظـننا فـالشعر ، يـااغبني =راحت سوالف عبيد ، وضاعت الطاسه
بني الـحجر مـايشابه بـنية الـلبني =والـناس من وقتهم ، والوقت من ناسه
والـلي يـحب الـشجاعه يكره الجبني =والـخبل مـاينستر لـو يـظفي لباسه
وراع الـذهب مـايوالف راعي التبني =حتى تـوالف نـمور الوقت وبساسه
والـهرج لايغضبك ، ماهوب مغضبني =نـاسٍ تـقول الـصحيح وناس هلاّسه
بـعـض الـلغه يـازميلي مـاتناسبني =كلام مـانعرف أخـماسه من أسداسه
أكـسبك يـاطيّب الـمذهب وتـكسبني =والـنجس مـاهمنا ، يـقعد مع أنجاسه
الـصدق عـندي وفاء ، والكذب يتعبني =مـجلس كـذوب العرب مأحب مجلاسه
يكذب عـليّه وفـي قـولي يـكذبني =مـليان كـيد وحـسد وأضغان وبلاسه
قـربه مـن الـعيب والـشكه يقربني =مـاريد قـربه عـسى الله يبعد أرماسه
والّـله لـقص حـبلٍ فـيه يـربطني =الـلي عـلى الـطاق طاقيه تغطراسه
والـيـوم يـإبن الـحموله لاتـعاتبني =هذا قـراري وهـذا الـثوب وقياسه
*
*
[/poem]