::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

01-24-2008, 09:57 PM

سلطان السويهري :. أبو ثامر حبيب قلبي مديرنا الغالي رجل متزن وفاهم وعيني عليه باردة وراعي علوم غانمه ( وعندي كلام كثير ) لكن خايف يفصلني من المنتدى >>> مدير عام

سلطان الندوي :. أبو سلمان ، والنعم والله بالرجل أنا أشهد إنه كفو وراعي واجب . .

أبو سعد :. ياطيبه طيباه عاد مايحتاج له كلام هو الميكانيكي حق المنتدى كل ماتعطل فيه شي قلنا تكفى شوف لنا حل الله يقويه .

أبو بسام :. هذا بالذات ماعندي عليه كلام من يوم عرفت المنتدى تعرفت عليه وحبيته قبل لاأشوفه رجل يفرض عليك إحترامه بخشم المشعاب ماهو لأنه جثة وكأنه ( تيتو سانتانا ) أو العملاق لكن بطيبة قلبه وأخلاقه العالية .

هشام الهذلي :. حبيب القلب أبو سعود رجل لاتمل مجالسته أبداً روح مرحة وأخلاق عاليه وشاعر رائع لكن ياويلك إذا تولاك بالتعليق عز الله غير تروح في خرايطها .

ذيب الفيافي :. ولد أخوي المصرقع كل يوم أعطيه علقة بالعقال لكن ماهو راضي يعقل .

تيك اوف :. أبو نور الآن أصبح أبو باسل يجب إننا نغير اللقب عاد ولي العهد جاء والله يحفظه له . هذا المفروض يسمي نفسه نكته كل كلامه نكت ياطيب هذا الرجل كل حياته تنكيت لكن في اللزوم خذ رجال وأنا أشهد .

عز الرفيق :. أبو عباد الشاعر الرومانسي الرائع والله والنعم بذاك الرجل كرم وجود وشهامة منقطعت النظير لكن أشوفه اليومين هذي التف على هشام ورايد الحتيرشي وأبو نور وسهرات للفجر يحق لهم (شباب في إجازة ) ماهم مثلنا مكروفين في الدوام

هادي الهذلي :. الطالب النجيب وعبقري التصاميم والأشياء اللي مأعرف حتى أنطق اسمها ماشاء الله عليه .

فتى هذيل :. أبو شموخ أقل شي أقوله عنه إنه عز الرجال والله جاري الباب في الباب وولد عمتي يعلم الله إذا جاء مكة أحس أن الحارة لها طعم خاص وإذا أنتهت الإجازة وراح رابغ أتكدر جداً .
ولي عليه ملاحظات ماأقدر أقولها الآن لأنه رايح يجي بعد كم يوم لمكة خلوها الين يروح رابغ لأني خايف منه (بيني وبينكم لأنه عصبي جداً ) وخايف يسوي لي مشكله .