::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة - محاوره بين الشاعرين /سالم المطرفي و محمد العازمي

01-25-2008, 07:35 PM

هذه المحاوره بين الشاعرين / سالم بن شعيل المطرفي و محمد العازمي في مكه المكرمه وفي قصر السعاده وللمعلوميه.. لم يتم الحصول على صورة ا لشاعر محمد العازمي.,,, واليكم المحاوره

محاوره بين الشاعرين/محمد العازمي و سالم المطرفي
(محمد العازمي)

سلامي على اهل الطيب ماضين الافعال
سلام الله الهادي وسنة نبيه
=
ترى الشاعر اللي مايدقق فالامثال
ليا جامع الشعار يصبح ضحيه

(سالم المطرفي)

هلامرحبا ترحيب من راس رجال
تراحيب حيه والمواقف قويه
=
ليا اوفيت مكيالك نوفيك مكيال
ترى النار فالمقباس ياضيف حيه

(محمد العازمي )

ابى اصب لك من طيب الكيف فنجال
ليا صرت رجالآ تبى الشاذليه
=
ومكيالنا وافي على كل الاحوال
وبعض السواف ماتمشى عليه

(سالم المطرفي)

نبى نشتري ونبيع في سوق الاموال
ولااني مجازي راعي الطيب سيه
=
يجي للمشاكل ياولد روق حللال
نصيحه لا تمشي مع دروب الخطيه

( محمد العازمي )

تبى تشتري وتبيع بجنيه وريال
ولانته بوي البورصه العالميه
=
وسالم ثمان اسنين لازال لازال
يغني ماحتى وصل حد الحويه

(سالم المطرفي)

ابى احاسبك يالعازمي مير فالحال
عظامك ليا هلحين باقي طريه
=
تعبنا زمان كله اهموم واهوال
يضيع الشجيع امع السنين الرديه

( محمد العازمي )

عظامي عظام ابعير ياطيب الفال
لو اضربك ضرب مت وانته هنيه
=
اشوف الزمان الشين يضربك الجال
وشددك وقتك مثل هضبة طميه

(سالم المطرفي)

على الهون لليلك تو وحبالك اطوال
تجود وراسك جوده ياعطيه
&&&&&&&

انتهت المحاوره,,,,,,,