|
رد: كسرات يا أهل الهوى كسرات
يا ليت ترجع ليالينا ... واكون حاضر لما ضينا
لو يجتمع شملنا ليله .. واسمع قمرها ينادينا
على الصفا والوفا نلقى .. كل الحبايب تلاقينا
وانسى عنا وقت ما يرحم .. دايم على الهم يرمينا
ما عاد نرسم لنا بسمة .. من كثر ما صار يبكينا
ابكي واخاف الجفا واذكر .. فراقنا عن محبينا
كيف ارتوي شوف خلاني .. والشوق ما زال يظمينا
ولت ليالي الصبا ولت .. وخلت القلب مشقينا
قتلت يا وقت وجداني .. ظلمتنا كيف تحيينا
فرقتنا عن حبايبنا .. وكثر المشاغيل تلهينا
الصبح نسماته الحلوه .. واحلى شذا ورد نسرينا
والشمس بين الشفق تظهر .. كنز القناعة توارينا
والليل يا ليل عشاقه .. ظلام والدمع ضاوينا
والنوم يجفى على جفني .. والشوق يا الروح حادينا
مشتاق يا ناس انا مشتاق .. يا ليت الاحباب تجزينا
باشواقنا نلتقي في النوم .. نعاتب اللي مجافينا
وايام نسهر وننساهم .. وايام ساهر وناسينا
لكن ترىالروح ما تنسى .. وارواحنا دوم تعصينا
والعين هلت مدامعها .. ابكيك واليوم تبكينا
للشاعر / شاكر بن عطية الله بن عطاالله السعيدي .
اتمنى تثبيت الموضوع
| التوقيع |
|
|
|