رد: اقرب يا ابو بسام اقرب
أبو بسام
سلام رديه تخلي صاحبي يزحف وراه 000 من شاعر يدري عن القصه وعن مضمونها
الليله المعنى كما نجم تعلى في سماه 000 يلفت نظر وتناظره كل العرب بعيونهــــــــــا
وضاح
يا مرحبا رحبن يخلي صاحبي ينسى عشاه = من شاعر يدري عن الحمله وعن كرتونها
الليله المعنى كما نون قفا راسك تراه = سيله يشيل البدو في مرحانها وضعونها
أبو بسام
ياصاحبي لو كل من دور على شئ(ن) لقاه 000 ما همته دنياه يالصاحب وزود غبونها
العام انا شفت المطوع يوم خربط فالصلاه 000 مرات اشوفه من ورا الهقوه ومره دونها
وضاح
يجوز لاكن المكاسب كلها بكره وشاه = اللي وقف من سدها واللي وقف من دونها
مالي فظلم الناس دام الجاهل ارتاحت عداه = واللي نوى نية وفا ما احتار في عربونها
أبو بسام
خلك على خبري وكل العلم ياتي في سراه 000 اخاف يالصاحب تكحلها وتعمي نونها
كريم يابرق السحاب اللي علاكم هل ماه 000 احيا الديار الميته وانبت جميع فنونها
وضاح
ما يطلع الزيتون في الحرة ولا صم الصفاه = واللي يبى تمر الخلاص يلد في عرجونها
لا تحسد الصاحب يا ابو بسام دام الله عطاه = سيف اللحى يا صاحبي ضافي على عثنونها
أبو بسام
ادري ولا ظنيت مثلك راح يوصل مبتغاه 000 مادام تمرتكم لها عامين في ماعونها
الله يزيدك من نعيمه بس خلك في حراه 000 واحذر تجيك ام الكباير في يداها شونها
وضاح
ليتك تجي سالم من الصكات يا مال الغناه = وتعلق ام اصبع على المعلاق مع كبسونها
ام الكباير ما تجيب الا الكباير للعصاه = مالي ومال ام الكباير شرها فعيونها
أبو بسام
انته ليا خضنا المعارك لا تلحف لك عباه 000 ارد المنايا يوم به غيرك عرب يردونها
ام الكباير من زمان العام في يدها حصاه 000 وان طالعت يمك تحدد لك جميع سنونها
| التوقيع |
|
|
|