رد: الى عميلي فواز
بن قاسي
في البدايه سلام ابريح عودٍ يفوح.........الك يابن الكرام ولا يهون الكرام
شفت مزنٍ تراكم بارقه مايلوح..........مثل مزن الخريف اللي يزيد الهيام
فواز
مرحبا والسريرة سدّها لايبوح===افهم العلم واسمع جاك رد السلام
ليتني ياولد قاسي طبيب الجروح===كان داويت جرحك لو بحد الحسام
بن قاسي
البقا يابن عايش يارفيع الصروح..........البلا يوم جاب العلم طير الظلام
اعرف الطير وشهو مير انا له نصوح.........لايجي يم دار مفرقين الزحام
فواز
والله اني خويّ الجنب ماني مزوح===اطلب اللي تريده في يمنّا وشام
اطبخو بالهداوة قدركم لايفوح===لين بكره تعرشون اللحم والعظام
بن قاسي
والله ان السفينه قربت للجنوح .....كل ركابها في دفتري بانتظام
ودي ان المراقب فوق برجه يروح.....لين يعرف علمها ثم يبدى الكلام
فواز
يمكن الله يخارج صاحبي مثل نوح===ثم تسلم سفينتكم من الاصطدام
الله اللي بلاكم بالبعير الرموح=== ماذبح قيس يابوزيد غير الغرام
بن قاسي
السفينه ركبها كل وجهٍ كلوح ..........انت وانا بعيد وروسنا فالغمام
واانفوس المريضه زادت الصوت نوح....والبعير الرموح ايقود راسه خطام
فواز
بعض الاجواد راحو عن ديرهم نزوح=== ان شفا ياهلابه وان قضى للرحام
وانت زوّدتها من يوم جبت المدوح=== العرب من كلامك مكتسيها عسام
بن قاسي
مانقر الخطا لوهو بوجهه يشوح..............والخطا من يقره يارفيع المقام
سلمنا مانكبه لو سيوله تدوح...............كل خشمٍ نفره كان صابه عرام
فواز
وان وصل علمكم للمحكمة لا تروح=== وقتها ماتفيد الواسطه والنظام
وش بلاها هبوب الشام جاتك لفوح=== ليش بالذات يمّ دياركم بالدوام
بن قاسي
لعلوم امعروفه قلتها في وضوح.........والحقيقه حقيقه فوق صدري وسام
ماتهز الهبايب ضلع عالي السفوح..........كل نعمه لها حساد بين الانام
فواز
والله اني معك لكن غيري جموح=== والحرار العنيدة تنخدع بالحمام
لاتخضّ الصميل الاّ وجوفه صبوح=== العرب محتزينك بالقنا والسهام
| التوقيع |
|
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="solid,4,gray" type=2 line=0 align=center use=ex num="0,black""]
حنا هذيل ان صار فالعلـم زرقـه=نغضب غضب سيل الربوع ودماره
حريبنا يونس على الكبـد حرقـه=نهدر هدير السيل لا جات غـاره
مهما حصل مايدخل الصف فرقـه=نورث شجاعه والشجاعه شطـاره
مجد اهذلي مايقبل الوقـت درقـه=درع الحجاز وفزعتـه وانتصـاره
من طبعنا مانسرق المجـد سرقـه=يشهد لنا التاريخ باحسن عبـاره
[/poem] |
|