رجز نادر لعمر الخالدي وهويشم الندوي
عمر الخالدي
يامرحبا كلا ً ينظم صفه
لايرتبط بالقالة المربوطة
واللي عليها الدايرة والحوطة
قدام مضرب بندقي مصطفة
...........................................
مادون أهل خيبر سياج ولفة
واللي فجنب اللوحة المحطوطة
نقطة قلم في اللوحة المخطوطة
يمكن بعون الله تقر الكفة
.............................................
هويشم الندوي
بقيت ياللي حجته مقرية
وموّقعة من منطقة سرية
لكن وين أنت مغيّب عنا
يوم الرماح والأسلحة النارية
............................................
الله عطا الخلّد عصا سحرية
وأخذت عنا نفرة القمرية
لكن مالك شكر مالك منة
ثوبي يكفيني عن العاريّة
.......................................
عمر الخالدي
يامرحبا وأيامنا دوّامة
واللي كسب منها طويل الهامة
عد العدد واضرب ثلاث فواحد
واسمع كلامي واترك العلاّمة
................................................
نوقف فصفك كلنا هجّامة
مير النجف نسمع صياح أيتامه
أنت تقر العلم والا جاحد
اليا جحدت أدخلك في الفرّامة
................................................
هويشم الندوي
سلام ياللي ماقصر عزّامه
واللي عُزم جاب الوفا قدامه
راعي الوفا من دعد وآل خالد
واجب علينا يفرض احترامه
........................................
ربعي ياسعد المغترق واحزامه
المتهم لاتحكمون اعدامه
الين يارد في القضية شاهد
هذي نصوص الشرع هذي أحكامه
.................................................. .
(شاعر من آل خالد )
يامرحبا رمز الكرم يكفينا
ياشاعرا ً صوته سرى يحادينا
ربعي رجال الفعل وأهل النولة
فأول زمن يشهد لنا ماضينا
........................................
أهل القدا تمشي على قادينا
منت على خط الخطر حادينا
يوم الفتن قدام حكم الدولة
نحمي جبلنا نحتمي وادينا
...........................................
هويشم الندوي
سلام جينا بوزع منقولة
مع دعد ربعي أهل الوفا والطولة
في المزح والا في الكلام الجدّي
كل المسايل عندهم محلولة
.........................................
وان كان في التاريخ أخذنا جولة
ياكم مناطق بالوفا مأهولة
الندوي والجابري والدعدي
صواقع ً من ربنا مرسولة
.......................................
أخوكم واحد من الناس
|