رد: لابد يوم ٍ عاوي ٍ دوني الذيب
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
قال الذي يقرا بليا مكاتيب=ياللي تقرون العمى من عناكم
يا عيالي اللي تشرفون المراقيب=تريضوا لي واقصروا من خطاكم
خوذوا كلام الصدق ما به تكاذيب=مثل السند مضموم للي وراكم
ياعيال لا صرتوا ضيوف ومعازيب=ترى الكلام الزين ملحة قراكم
وتروا السبابه من كبار العذاريب=وهرج البلايس ما يطول لحاكم
المذهب الطيب فهو مذهب الطيب=والمذهب الخايب يبور نساكم
يا عيال ما سرحتكم باللواهيب=يا عيال ما عمر المعزب ولاكم
يا ما توليت القبايل تقل ذيب=من خوف لا ينقص عليكم عشاكم
وياماشريت السمن من عرض ما جيب=يفز قلبي يوم يبكي حداكــــــــــم
وياما قطعت من الفيافي العباعيب=ا جيب من صيد البراري غذاكم
يا عيال دوكم لحيتي كلها شيب=هذا زمان قعودنا في ذراكم
قمت اتوكا فوق عوج المصاليب=قصرت خطانا يوم طالت خطاكم
عطوني القرضة عليكم مطاليب=عطوني القرضة جزى من جزاكم
لابد يوم ٍ عاوي ٍ دوني الذيب=بالقبر ما افرق طيبكم من رداكم
ما ني بفاضحكم بوسط الاجانيب=باعمالكم يدرون كل اقرباكم
لو كان تدرون الردى والمعاييب=صرتوا مع المخلوق مثل خوياكم
خوالكم بالطيب تروي المغاليب=ولو تتبعون الجد محدٍ شناكم
وش علمكم يا تاركين المواجيب=حسبي عليكم هالردى وين جاكم
يالله عسى اعماركم شمسها تغيب=ويعتم قمركم ثم تظلم سماكم
يا علكم في حاميات اللواهيب=ياللي على الوالد خبيث ٍ لغاكم
شفت الجفا والحيف والغلب والريب=بضلوعكم لا بيض الله قراكم
اخسوا خسيتوا يا كبار اللغابيب=اهبوا هبيتوا يقطع الله نماكم[/poem]
قصيدة مؤثرة ما كان لهم يتركو والدهم وينشغلوا يزوجاتهم
مشكور يا بن العم على الاختيار الموفق
|