::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-30-2008, 11:50 PM

بسم الله الرحمن الرحيم

اخواني الاعزاء اعضاء مجالس قبيلتنا الغاليه

انقل لكم قصيدة المبدع الاخ الغالي على قلوبنا جميعا

[blink]هشام الهذلي[/blink]

ردا منه على مشاعركم النبيله وتهنئتكم له بالتخرج

اليكم القصيده والله يجمعنا وياه على خير

[poem=font="Arial,4,#0000ff,bold,normal" bkcolor="" bkimage="" border="none,1," type=2 line=1 align=center use=ex num="0,"]

للمستمع وجهته .. للشعر مقـدوره=وإن كنـت وفقّـت هذيّـه وهذيّـه
لي نفسٍ مخيّره وأحيـان مأمـوره=لو ترتجل شعرهـا حاجـه طبيعيّـه
أجمل من إبداعها في وصف غندوره=رد التحيـه علـى الهـذلان مثنيّـه
شكراً جزيلاً لمن بـارك ولشعـوره=من دون تحديـد أقدمهـا عموميّـه
الحمـد لله يـوم نحقـق الــدوره=ثمنيه سنين ذي روحـه وذي جيّـه
إلين جات البشاير من أخـو نـوره=يقـول مبـروك وثيقتـك ممضيّـه
فزيت كني متابع مجلـس الشـوره=صرّح بتخفيـض قائمـة الغذائيّـه
عمومـاً الآدمـي تكفيـه شابـوره=مع كوب شاهي لو أن الجوع ما زيّه
يا جامعتنا العزيزه صدق مشكـوره=اليوم أغني على بابك ( وداعيّـه )
شخصية الجامعي بالحيل مشهـوره=من يوم يقبل عليك تقول ذي هيّـه
قلم حبـر دفتـره جوالـه عطـوره=عقـال غتـره ونظـارات شمسيّـه
متعب ومنهك ونفسه واصلـه زوره=في وجههه تشوف شرهات الشقاويّه
لو يعمل بواجبه ويقـوم فـي دوره=ما يضمن الفوز بالنسبـه المئويّـه
خلوني أسـج مـع لعّابـة الكـوره=ولاّ مع أهل الطواريـق الحجازيـه
يا مصر جيبي مع الدكتور دكتـوره=والله يصلـح دكاتـرت السعوديـه
دكتورنا المحترم له نفس مغـروره=تقـول مـا حققـه حاجـه خياليّـه
لولا الحيا مـا يجيـك إلا بباكـوره=متأثـر بنهـج أساتـذة الثانـويّـه
حضوره وغيبته بالصوت والصوره=ما تختلف عندنـا ذيّـه مثـل ذيّـه
ما عمم القول مير اللي طلع طـوره=وده يحمّـل دكاتـرتـه بـدوريّـه
لو ما شعر خاطري بالظلم والبـوره=ما كان رص الحروف وباح عن غيّه
ما دامت العلم نور .. الصدر بلوره=على الأقل يغني الانسان عن خيّـه [/poem]

وسلامتكم جميعاً