رد: أول قصيدة للامبراطور المسعودي ؟؟
مافالسهر للعيـن غيـر الغرابيـل
كم واحداً عقب السهر باري الحال
والا رغبتي من سهرتي فيك يالليل
لكن اعالج فيك بعضات الاحـوال
ياما تشوف اعيوننا من تهاويـل
وياما يشق اسماعنا مـن تنثـال
الله خلق خلقه وراحـو تشاكيـل
واحنا نطالع فيهم الوان واشكـال
شكل ٍملبس بالحلي والخلاخيل
ومن جوته يالله لاتكشف الحال
وشكل ٍ يغني بالنمبمة مواويل
مايستطيع يعيس من غار موال
واذا لقى له هرجة ٍ شالها شيل
وان مالقى دور لها عند دلال
وشكل ٍ كما البطحاء بعد ثاني السيل
يابس ثراها كأن واديه ماسال
ومن لايعرف الراس مايعرف الذيل
تعامله طيب يعاملك بطال
ماهمي الطيب معي له مواصيل
واذا بغيت اوصل وصلته بميصال
كم واحداً يلبس ثيـاب الرياجيـل
واليا فتشت اقصاه ماهوب رجـال
وأنا على شاشة مصور وتسجيل
والشرح والتوصيف باقي له اكمال
بلغت بالمجهود والعذر تكميل
والناس مايرضيهم الا بخت فال
|