|
قصيدة تراثية للشاعر المرحوم عيضة المطرفي
السلام عليكم ورحمة الله وبركاته،
قصيدة من التراث الهذلي الأصيل للشاعر : عيضة بن حامد المطرفي الهذلي رحمه الله.
حي الكتاب وحي من هو لفى به ::::: عداد همال الحيا من مناشيه
قال المثل من قبل فلّ الذيابه::::: والذيب ذيب ولا يهطل بذانيه
والسيف ما يقبض يقع في نصابه ::::: والصقر صقر ولاش طير يباريه
وشعيل ما ياكل لحومه بنابه ::::: والخال طيبه ينوجد في بناخيه
ياشين نقل الخبث بين القرابه ::::: راعيه دايم في لهود ومشاريه
والحكي بين الناس ربّي نهى به ::::: ولا ينومس من يجيبه ويعطيه
شفـّي مع اللي ما يبغثر شرابه ::::: ولا الضعيف ضعيف ماني براجيه
ليـّه مواقف كل اُبوها ذرابه ::::: قول الصحيح اللي معزّز مبانيه
وليا بدى لازم رفيقي وانا به ::::: أمشي معه ما قول ماني مخاويه
وأكمّل الواجب ولو في غيابه ::::: ما أقعد وأصرّد لين ياتي مناديه
والوقت له عدله وفيه اِنقلابه ::::: كم واحد من قبلنا ما اَهتنى فيه
والبيض تنشر مثل نشر السحابة ::::: لعيال عمي يا رسيلي تودِّيه
حنـّا عيال العود ولنا مهابه ::::: لو طالت الأيام نرجع لماضيه
نمشي على نهجه وما هو نشابه ::::: ونطلب له الرحمة عسى الرب يجزيه
الطيب نمشِي به مع اللي مشى به ::::: والشر للي ما يحسِّب مواطيه
مثل العسل للي ينشـّط جوابه ::::: وسمٍّ سِقَطْري في نحر من نعاديه
وختامها نطلب من الله ثوابه ::::: واللي نوانا بالردى الله يكافيه
|