|
معروض متعوب عليه
تبي تكتب معروض شكوى ؟ عليك بهذه الصياغة وإلا بلاش ..
شكوى من مواطن لمدير الاتصالات
بسم الله الرحمن الرحيم
سعـادة مدير عام الاتصالات بمدينة بني هشبــــل حفظه الله
السلام عليكم ورحمة الله وبركاته وبعد
أبعث إليكم بخطابي هذا وفيه أرفع شكواي لكم لعلها تجد آذانا صاغية
سعادة المدير العام :
العام فالشتا في شهر حدعش قدّمت عليكم طلب فتح كبينة إتصالات أريد اترزّق
الله فيها ودارت الاوراق ودارت ودارت وقلتوا لي كمّل الشروط وكمّلتها وارتفعت
الاوراق للرياض ورجعت بالموافقة ، ويوم راجعت أحد موظفينكم قال لي واحد اسمه
على الصعيبي قال لي: أوراقك مصلّب عليها بالقلم الأحمر!! .
قلت : من اللي مصلبٍ عليها ؟ قال المدير العام
وهالحين أنت وش تطلبني ؟ أنا مخطي عليك في شي ؟ أو ما استحق اللي يستحقونه
المواطنين ؟ واللي مثلك الله يطول عمرك يساعد على الخير ويقف في صف المواطنين
. وانت تقف في نحورهم مثل شخب ابليس ؟ سعادة المدير العام تعوذ من ابليس
وفكنا من شرك ولا تحط النشب وانت من الله في سعة . وهالحين اغد رجال ومشّ
أوراقي ولاّ ترا الوجه من الوجه أبيض وترا ابن سعود فاتحن أبوابه وتراني
ابكبر الموضوع . وشكرن
| التوقيع |
|
أنتـــــه توصينــــــي نســـــيت اني هــــذيلي من هـــــذيل
النـــــاس عارفـــــها واخـــــــــاطبها بقـــــدرعقولـــــــها
عبد الله بن مستور المسعودي رحمه الله |
|