::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

11-05-2008, 07:50 AM


	المشاركة الأصلية كتبت بواسطة الميمنة


	الاخ الفاضل ابو حرب اولا اريدك ان تعرف اني من اشد المعجبين بالشاعر صياف الحربي ونحن لانقلل من شاعرية صياف ابدا فهو لايحتاج الى شهادتي وشهادتك ثانيا انت تناقض نفسك بان تقول انه شاعر اخر حربي مع عبد الله وبعدين ترجع وتنفي الخبر نهائيا وتقول انها اشاعة ولكن اريد ان ابين لك ان مصادري موثوقة ولاغبار عليها وهذا هو الذي حدث فعلا باعتراف صياف نفسه فكلامه الذي قاله عبارة عن مقابلة نشرت في الجرايد وبالنسبة للشاعر الاخر اعتقد اسمه سليم الحربي كان حاضر مع صياف ولكن القاف اللي اوردته كان بين عبدالله وصياف ولاجدال في ذلك اما سليم الحربي او الشاعر الاخر اللي مع صياف فجرت بينه وبين عبدالله محاورة هذا نصها وقافها :- الحربي :- ياسلام الله عليكم واسمعوا يالسامعية من ضمير الحربي اللي مثل ذوب العيسلاني من ضمير يوم غنى ماخلف النية بنية يالرجال اللي تريد المذخرة (ويا) الحصاني عبدالله :- مرحبا في مرحبا ترحيبة ماهي بلية من عطاني مدة جزلة ثمنها مارزاني وساوردها ان شاء الله كاملة في القريب العاجل هذا للتوضيح فقط والصراحة ياخوك ماتزعل احد (تحياتي يابو حرب ) وازيدك من الشعر بيت موقف اخر حصل ودي انك تعرفة عشان تنبسط زيادة انا والله يوم سمعته تعجبت منه جرت محاورة في ريع ذاخر وكان حاضر فيها كبار الشعراء في ذلك الوقت الجبرتي ومستور والد عبدالله في ضفة ومطلق ومستور العصيمي والسيالي اعتقد في الضفة الاخرى المهم كان في المحاورة قدح ماهو بسيط بين العتبان والجبرتي مع محاولات لمستور والد عبدالله ولكن دون جدوى تمكن العتبان من الجبرتي وعجز فيهم الرجال فجلس وترك المحاورة فاصبح العتبان يلعبون بينهم البين وحاطين المعنى في الجبرتي والجبرتي جالس على نار لكن ................ نسيت اقولك ان عبدالله كان مستلم هذاك الليل ( يعني في العمل ) فارسله ابوه المراسيل يشرحون له الوضع المهم .................... وابيك تتخيل الموقف يابو حرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ العتبان يلعبون مع بعض والجبرتي جالس وعبدالله مقبل عليهم ويوم دخل الملعبة قاموا اللعابه يهتفون ويشجعون ((جاكم عبدالله جاكم عبدالله .........) التفت الجبرتي ويوم شاف عبدالله شال ثوبه على راسه وقام يرقص بين الصفوف يرقص ويرقص فرحان انه شاف عبدالله ( والله دخلت ملوك (الله يرحمه)) المهم عبدالله شاف شغله هذاك الليل وانت عارف وش اللي صار مايحتاج اكمل ... فسؤالي وتعجبي ليه يصدرموقف زي هذا الموقف من شاعر زي الجبرتي وبعد الكلام لك مني الف سلام وتحية مثنية

[frame="1 80"]
أنا لا أناقض نفسي ولاكن أنته مافهمت قصدي أنا أقول إن هذه الشائعات لا أؤمن فيها أبدا إلا إذا شفتها بعيني من فيديو أو سمعتها من مسجل ولكن أنا اللي سمعته انه سليم الحربي ولاكن لا اصدقها ابدا لأنها مصادر ماهي موثقه بتسجيل

وفيه مقول للامير الشاعر الكبير / خالد الفيصل حفظه الله

قال / ((شاعر الخليج وبجداره وأخذه من ذراعه هو الشاعر : صياف الحربي ....وعبدالله المسعودي لو أنه كان متعلم يعني يقرأ ويكتب لكان هو شاعر الخليج )) هذا كلامه بأمانه ولم يذكر لا الجبرتي ولا مطلق ولاغيرهم

أما مواقف العتبان هذي مافيها كلام فلو بأذكر المواقف اللي صارتلهم مع الشعراء وفزعة صياف رحمة الله لهم إمكن ماتصدق

ففي حفلات كثيرة تحصل عليهم مواقف وماينقذهم من الموقف غير صياف وهم (خلف ومطلق ومستور والسواط وحبيب ) فكان خليف بن دواس يطلبهم بالإسم وصياف يقوم بالنيابه عنهم لأن كل واحد فيهم لايجيب من الخوف

وفي موقف ليس مثل سابقه في مدينة الجهراء فالكويت
حيث اقترح الشعار تسويت فريقين
(خلف وصياف) فريق واحد
(مطلق ومستور) فريق واحد

واتفق الشعار الثلاثه جعل المعنى في صياف

واول من بدأ (مطلق ومستور)

وفي الرد بدأ (خلف) وأفطن صياف للمصيده

وفي البيت الثاني للرد بعد ان رد خلف في البيت الاول

لم صياف المعنى على الثلاثه وضحك كل من حضر الملعبه عليهم

فبدل مايصيدوه صادهم وصاد خلف بن هذال معهم

وكانت تحت شرف شيخ من شيوخ العتبان وصاح جميع الجمهور أنت فعلا شاعرالخليج
وذكره احد شعار العتبان واسمه ستر العتيبي وهو رفيق لصياف رحمة الله

وهذا يعني أن شعار العتبان كلهم مع بعض فهذا خلف مع صياف وأتفق مع بني عمه على صاحبه وكم محاورة تبين أنهم يفزعون مع بعض ولا أحد يقدر يواجه لحاله والدليل الأخر محاورة بن جرشان ومستور وتدخل السواط وخلف

وفيه بيت لصياف رحمة الله مع خلف يصور وضعهم

لعل عمرك يدوم وولد عمك عمره يدوم == إلينكسر تجبره وإليلتوت رجلك جبرها

وأخيرا أشكرك على أسلوبك الراقي ولتعلم أني من جمهور عبدالله المسعودي وصياف رحمهم الله[/frame]