رد: بدعه لأبومحاله لأبو المثلم
أبو محالة
ياسلامي عليكـم ياثقـات الرجـال=من ضمير(ن)يعز البني ويجملـه
الأمانه تبرت من جهدها الجبـال=من يعذرب صفاها هز من منزله
أبو المثلم
مرحبا عد ما هبت صبا من شمال=من هجوسن يعرف القول ويحلله
الامانة وطنها في صدور الرجـال=أول الهـرج ثابـت واخـره زلزلـة
أبو محالة
انت شاعر مهندس والمعاني جـزال=وانت مري ومنصا من يضيع اجمله
المشاريع واجد والعرب بالـف حـال=والادارة هـدفـهـا كسـبـهـا تـجـمـلـه
أبو المثلم
وانت ما تبتخالف لو يطـول الجـدال=لـو نجـب لـك جـمـل تثنـيـه وتعقـلـه
امسك الدرب وامشي لا تدور محال=الادارة رشـيــدة مـــا تـبــى بـلـبـلـة
أبو محالة
بيض الله وجهك يا اجودي كل حال=وانـت خالـي ولـك تقديـر مانجهلـه
ليت مطلق و ابو مستور هـاك الليـال=كـان بنـت الهـوا مخطوبهـا تقبـلـه
أبو المثلم
وجهك أبيض يا ابو حمّاد واسمع تعال=من سمـان الهـروج اللـي لكـم مرسلـة
اليوم حتى مريكـا نقصّـت فـي الكيـال=فـاز فيهـا المسـمـى مرحـلـة مرحـلـة
| التوقيع |
|
|
|