::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

11-13-2008, 11:21 PM

ابرز الشعراء المجازين في جولة الكويت:

1_ علاء عواد (هذي كل سنه تشارك بس ماعندها ماعند جدتي )

بسم المولى الحق العادل .. خالقنا وخالق هالكون
جيت وطه بين عيوني .. صلي وسلم على المختار
--
جمهور الدنيا جمهوري .. بأمجادك زايد يزهون
ولعيون محمد بن زايد .. راح نوقف ونطش أزهار
--
وللشيخة والام الدولة .. خفاق دايم مرهون
بنت مبارك بس لعيونك .. حطيت بقلبي إنذار
--
جيت أتحدى كل الساحة .. وأعطيهم مني عربون
جيت أتحدى شاعر شاعر .. وبراسي للجن أسحار

*******************

2_ بدر الضمني

كيف أموتك جرح وأحيابك جروح .. كيف ألمك شوق وأرجع أنثرك
كيف أصور للجسد نزعات روح .. كيف أنامك ليل وأرجع أسهرك

المحاجر من لها ملح يفوح .. والحنايا قوتها من سكرك
عجزت أفواه السوالف لا تبوح .. تلبس أيامي محاسن مظهرك

نامت عيون القصايد وين أروح .. الحناجر صوتها مايعذرك
كل ماحسيت بأطيافك تلوح .. في شتات العمر قلت أدورك

************************

3_ فيصل العتيبي

ياقلب صبرك عليه وجنب دروبه ..
الرحلة اللي تذلك مالها داعي

خل المسافة دخيلك كلها دوبه ..
وأعرف مقامك مكانك داخل أضلاعي

وضلوعك العوج مع شرواك مهيوبة ..
خابرك وقت المواقف تحرق أوجاعي

وإن رحت في الدرب هذي فيك محسوبة ..
لا انته بقلبي وأنا ماأجيك فزاعي

*************************

4_ سعد زبن الخلاوي

كل مااجتاح اعصار السواد ..
دربي و جافت الحيلة يدي ..

إن زعلت وتخيرت البعاد ..
اعتق الدمع لا صرت وحدي ..

يانديمي ماهي كبوة جواد ..
صدتك يوم كنت بمفردي ..

تلبس المرجلة ثوب الحداد ..
لا تردى رجل ماهو ردي ..

**************************

6_ علي اليامي (هذا السنه اللي راحت شارك وطرده بدر صفوق بس هالمره اموره زانت )

للمعاني والمباديء في ذهون العاقلين ..
مثل ساس ينصبونه حافر قاع الصخر

خصنا رب العبادة في وجوده مسلمين ..
في دعاء الرب ندعي مؤمنين بالقدر

من عصور الجاهلية لين وقت الصالحين ..
كم وكم باللي جحد ربه وغرقه البحر

كم وكم واحد عصى واستحوذوبه ضالمين ..
جره إبليس برداته في نزول المنحدر

أشهد إن اللي خلقنا لا إله إلا المعين ..
وأشهد إن محمد مرسل نبي وإقتدر

***********************

7_ مطلق الحريبي

قبل أمس شفت سهيل مع طلعة النور ..
يلعج بنوره والنهار يغدي به

متوهج وجهه جواهر وبلور ..
وبريق عينه للسحاب العزيبة

مقدارا شبر مرتفع فوق ويغور ..
عن الوتد والليل قام يعدي به

كن النجوم إليا ظهر در منثور ..
وكلن يبشر في طلوعه رقيبه

**************************

8_ عبدالعزيز فيحان الهاجري

مشاعرك يالنفس الرقيقة لاجات ارتاع ..
من الهول لاشفت الشواريد طواعه

يادفع البلاء مدتك يا ملهم الملتاع ..
لا دفت مابين الحدب أطباع طباعه

محلي بنفسي لاطرقت القصيدة ساع ..
سوا سابح الغبة والامواج هجاعة

اجمع من الجوهر ولوله مكان إبداع ..
وأعقد معاها الوجد والفجع وأوجاعه

***********************

9_ ثاني الدهمشي

بسمتك شمس وغشت بسمتك بعض الغيوم ..
وصيرت عيني رياح وعنك أزحتها
وركزت فيك ولقيت آثار مسح الكموم ..
وحلًفت رمشك دموعك ليه مرجحتها
قال: ان عينك تفرغ آه قلب مهموم ..
اتخذت أحزانه ضلوعك لأجل نحتها
أقول: قم والعن الشيطان جعلك تدوم ..
احزنت الاحباب والانذال فرحتها

*************************

10_ سالم بن حصين ( شافه بدر صفوق وبكى يقول انه يشبه لاخوه اللي مات الله يرحمه)

قفيت يا متلف شعوري بالأسباب ..
وأنا على المقفي ماأعرف الحسوفة

صديت لكن ماصك صدك كتاب ..
كتابك اللي تحتويني طيوفه

من صفعة الأيام واقف ومرتاب ..
غيري شكالي من سوايا ظروفه

كن القلم من ضيقتي يحسب حساب ..
وإلا الشعر تسكن هجوسي حروفه

مثلي يموت ولا وقف لك على باب ..
قلبي على الوقفات يحسب وقوفه

*************************

11_ عساف التومي

يابنت الأجواد وجروح الحبايب قليب ..
إن نش حفرته تبقى مثل بعض ندبي

لكن إن مات الصويب ولاحياة بعيب ..
ولا أقدم الحنظلة للي يمد عنبي

غبتي وفاق النحيف وضاق صدر رحيب ..
وأقول هو بسببي وإلا ماهو بسببي

عامين وأنطر وأكابر وأنتظر و أستريب ..
وأجمع فتات القصايد والغلا وعتبي

إلين طفل بصدري صاحبي يالحبيــــب ..
طرد المقفى هوان ومن مشى به غبي

*************************

12_ طامي الظفيري ( هذا اللجنه ضحكوا على تعليق الدكتور غسان وقام الضعيف يحسبهم يضحكون عليه )

البحر طامي وأنا طامي وجو الشعر طامي ..
يا إلهي خفف الصدمة وقو الإصطدام

لجنة المليون ثالث عام وأنا أرقب وصولك ..
واجب إني أضبط الآبيات وأحشم كلامي

وأحمد الله يوم هذا السنة شاركت معكم ..
خاطري كايف وسني واصل الحد النظامي

سامحوني يازحول الشعر وإن قصر قصيدي ..
ترا عمري ناقص سنتين عن عشرين عامي

وإن بدا فيها زلل وإلا خلل وإلا ارتباكي ..
أسمحولي جعلني فدوة [ شنبات المحامي ]

*************************

13_ سلطان الاسيمر ( طبعا هذا اسم الشهره بس اسمه الحقيقي مطلق المطيري 000 طيب )

لـك يابـحـر ذنــب ومـواجـع وتجـريـح "
" وبـك يابحـر غـرقـت قـلـوب ٍ جريـحـه

كـم مـن خطـاوي وقفـت قدمـك إتصـيـح "
" وكـم شـي فـي صـدري ولا اقـدر ابيـحـه

سولـف ولكـن خـايـف ارتــاح وآطـيـح "
" وانـــا فـــؤادي ماتـحـمـل مطـيـحـه

خـذ يابحـر صـمـت المشـاعـر تبـاريـح "
" واشعـل ضمـا ملـحـك بنـفـس ٍ شحيـحـه

************************

14_ مرزوق العتيبي ( اكثر واحد اعجبتني قصيدته في الجوله كلها )

قالت : احطب .. قلت : والغابه متى كانت قريبـه
قالت : احطب .. قلت : وين الفأس لو حصّلت غابه
قالت : احطب .. قلت : يا قصر اليدين المستريبـه
قالت : احطب .. قلت : يا قل البصيره لإرتكابـه
قالت : البـرد إلتـوى فالضلـع ترضـى يلتويبـه
قلت : لا .. قالت : وتتركنـي كـذا يـا للغرابـه
قلت: ملعـون الغبـاء وانتـي نجيبـه مـن نجيبـه
وألاّ انـا وقتـي إمبهذلنـي وضيّعـت النجـابـه
لا تلوميـن النبيـه ان حاصـره همّـه وغيـبـه
ما تطوفـه قبـل لكـن طافتـه مـن حـرْ مابـه
والله اني كنت قبل الشخـص ينطـق لـي خطيبـه
أتهجّـا فكرتـه وأقـراه قبـل اسمـع خطـابـه
من عيونه كنـت أميّـز مقصـده قبـل يحكيبـه
وقبل تمريـر السـؤال أمـرّر اطـراف الاجابـه
كنت أفضفض للكئيب ويمتلـي بالضحـك جيبـه
صرت ما افضفض لنفسي وامتـلا جيبـي كآبـه
قالت : احطب قلت ويش احطب دخيل الله مصيبه
لا تزيديـن الـجـروح ولا تزيـديـن الرتـابـه
قالت : الجرح يتمادى عيب فـي حضـرة طبيبـه
قلت : ما باقي وريـد ودم مـن نـزف الاصابـه
قالت : احطب من شعورك والقصيد الحـي جيبـه
ودي اسمع صورتك واقراك صوت مـن الصبابـه
ديرها مغنـى وخـل الصمـت مخنـوق بنحيبـه
واعتبـر قلبـي طبـل وألاّ اعتبـر سمعـي ربابـه
هات شعر وبلّل اللحظـه مـن البحـر وغريبـه
لا تكـرر فـي عيونـي ملّـت العيـن التشـابـه
لا تسلف حنجـرة غيـرك وحنجرتـك رهيبـه
وانت شدْوك غير وارضك بكْر وافكارك سحابـه
واعتبرني ملهمـه واحـرث لـي تـراب الخصيبـه
واروني من ماك . مـاك ارواه لحظـات انسكابـه
واقطع عروق الضما والجدب واحسـاس الغليبـه
صك بابه .. والعشم والفـال تكفـى فـك بابـه
وافتح الشبـاك لأعشابـك شبابيكـك عشيبـه
شوفها بعيوني وهـذا الكـلام احسـب حسابـه
قلت : يا طيبـة حنـان ويـا حنـانٍ زاد طيبـه
يا مذابه فالصفـاء .. وألاّ الصفـاوه بـك مذابـه
كـل مـا مريـت رجـم ادوّر الجـرّه لذيـبـه
ما لمحت آثار واذنـي مـا عـوت فيهـا الذيابـه
وانتقل للرجـم الآخـر والنـدم باسفـل شعيبـه
ويتصاغرني وانا اكبر مـن حصـاه ومـن هضابـه
لا يعذربني وانـا ( مـرزوق ) وجـدودي عتيبـه
ينشـد التاريـخ والجغرافـيـا يجـنـي مهـابـه
مـا لبسنـا ثـوب عاريـه ولا جينـا بريـبـه
وان تعرينـا بـدون ثيـاب مـا فينـا عيـابـه
بس نستـر غيرنـا مـن طيبنـا ماهـي غصيبـه
لأجل يستر غيرنـا عيبـه وجسمـه فـي ثيابـه
ولا يعذربنـي وانـا المحّـار ف سلالـي حصيبـه
آتخيّـر فـي قماشـه وآتخيّـر فــي حصـابـه
والله انـي غيـص غبّاتـه ولانـي فيـه سيـبـه
يزعل الزعلان والراضـي علـى رأسـي إعصابـه
ما كسبت السفن انا للسفـن شـرواي الكسيبـه
مـن تواضـع قلتهـا ماهـو غـرور ولا دعابـه
بس وين النور واهـل النـور والعقـل الرحيبـه
ليـه تبقـى صامتـه والليـل ينهبـهـا نهـابـه
والمثل ماهو صحيـح ويـا كبـر ظلمـه وعيبـه
والقلم لولا الاصابع ما ارتكـب ذنـب الكتابـه
من متى كان الحكي فضه ورخـص وكـان خيبـه
ومن متى كان الذهب صمت ووجل يـا للخيابـه

************************

15_ مساعد بن جبرين العازمي

يارسول الصمت ليه صار الصمت عادة ..
عند من يضحك له التاريخ يعصور قديمة

مالنا عن صاحب الكلمة من الوقت استفادة ..
لو نبي نعطي عطانا ماخذينا فيه قيمة

عالج المرضان حتى خاب ظنه بالعيادة ..
قال عالجت البدن لاشك غاياتي سليمة

وانتهى صيفة وذعذع له من الغربي براده ..
ماكسب من حظه العاثر صواب ولا جريمة

****************

كلها كووووم وحلقة الليله كوم ياسلاااااااام ياطلة الهذلان وربي شعرهم غييييييييييير يعجبك غصب وخاصه جميل المطرفي

عماد وعبدالله الهذلي وجميل المطرفي بالتوفيق