رد: هذلي والفخر لي ((الوعد الليلة لاهنت ))
قميدان
سلام للي من البارح زهمناه **** والليله ان ماحضر ماهي غريبه
كلن على الضيف رحب به وحياه **** ما يندرق غير واحد فيه ريبه
هذلي والفخر لي
حييت يا ضيفنا اللي ما عرفناه 000 واما حصل سدنا ذكره وطيبه
والله ما نندرق يا طيب الجاه 000 واما حضرنا ترى ماهي غليبه
قميدان
الذيب يعوي وكلن يسمع اعواه **** حتى انت مثل العرب موحي قنيبه
ولا انت ماتسمعه حتى توطاه ؟ **** انكان هذا العذر ياهي مصيبه
هذلي والفخر لي
الذيب في مرقبه ويعاين الشاه 000 مير انتبه واندرق جوف الزريبه
معي عيوني وغيري ربي اعماه 000 واللي على خاطرك يافلان جيبه
قميدان
رص اربعه واربعه واثنين وانصاه **** واشيب عينك وعقل(ن) تقتديبه
ياكبر ماجوبك اللي نحكم اغطاه **** لو جبت شوزنك ما نشت الضريبه
هذلي والفخر لي
إموكلك يا عميلي رح تلقاه 000 وان خفت ياضيفنا الفزعه قريبه
ياكبرها صاحبك وشلون تقفاه ؟ 000 اللي منول تقوم وتعتزيبه
قميدان
فهمت علمي غلط ياراع بوباه **** لا تبعد الفكر والهرجه قريبه
والله ماواحد ارسلني لمقضاه **** انته معك علم (ن) اخر مادريبه
| التوقيع |
|
[flash=http://www.m5zn.com/uploads/2011/3/27/embed/03271114033587nh0ho9zu1rck.swf]WIDTH=500 HEIGHT=350[/flash]
ســـلــمـــت يامــــــ الذيب ــخاوي |
|